“мәккәнзий ширкити” ниң хитай һөкүмитигә ишлигәнлики ашкариланди

Мухбиримиз әзиз
2021-12-28
Share

Идарә қилип башқуруш мәслиһәтчилики бойичә дунядики үч чоң мәслиһәтчилик ширкитиниң бири дәп қариливатқан “мәккәнзий ширкити” йеқинда өзлириниң хитай һөкүмити билән сода муамилисидә болғанлиқини етирап қилған.

“блумберг хәвәрлири” ториниң бу һәқтики хәвиридә ейтилишичә, сот һөҗҗәтлиридә мәзкур ширкәтниң америка дөләт мудапийә министирлики (бәш бурҗәклик бина) вә хитай мәркизий һөкүмитини башқуруш ишлири бойичә мәслиһәт бериш мулазимити билән тәминлигәнлики тилға елинған. Нәтиҗидә охшимиған тәрәпләрниң мәнпәәт тоқунушиға йол қоюп, америка дөләт хәвпсизлики үчүн сәлбий ақивәтләрни пәйда қилған.

Хәвәрдә ейтилишичә, мәзкур ширкәт 2020-йили июл ейидики гуваһлиқ йиғинида америка кеңәш палата әзаси марко рубийониң соаллириға җаваб берип: “бизниң хитайдики һөкүмәт билән яки хитай компартийәси билән һечқандақ сода алақимиз йоқ” дегән. Бу мәзмундики җаваб шуниңдин кейинки бирнәччә қетимлиқ мунбәрдиму тәкрарланған. Әмма “мәккәнзий ширкити” ниң вәйран болуши һәққидики сот һөҗҗәтлири бу ширкәтниң ейтқанлириниң ялған икәнликини ашкара қилған.

Марко рубйо бу һәқтики соалларға җаваб берип: “мәккәнзий ширкити бу мәсилә тоғрисида маңа бирнәччә қетим ялған ейтқан. Нөвәттики бу ялғанчилиқ мәзкур ширкәтниң һечқандақ ишәнчлик дәриҗиси қалмиғанлиқини толуқ намайән қилди. Әмди һөкүмитимизниң яки истихбарат органлиримизниң улар билән иш бирлики қурушиға һечқандақ имканийәт қалмиди,” дегән.

Һалбуки, мәккәнзий ширкитиниң баянатчиси бу һәқтә сөз қилип: “биз өлкә дәриҗилик һөкүмәтләр билән сода мунасивитидә болдуқ. Һечқачан хитай мәркизий һөкүмити билән һәмкарлашмидуқ” дегән. Әмма анализчилар мәккәнзий ширкити билән сода алақисида болған “өлкә дәриҗилик” ширкәтләрниң каттибашлири көпинчә мәркизий һөкүмәтниң юқури дәриҗилик әмәлдарлири икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт