Тәқлидий әқил ширкәтлириниң хитайдики қирғинчилиққа шерик болуватқанлиқи диққәт қозғиди
Хитай һөкүмитиниң уйғур дияридики сиясий бастуруш һәрикити дуня миқясида "ирқий қирғинчилиқ" дәп әйиблиниватқан болсиму, тәқлидий әқил ширкәтлириниң бу қәбиһ қилмишқа бериватқан ярдәмлири диққәттин сақит болуп келиватқан иди. "вашингтон почтиси" гезитиниң 12-апрелдики баш мақалисидә бу мәсилә муһим орун игилиди.
Мақалида көрситилишичә, уйғур дияридики зор көләмлик тутқунда милйонлиған кишиләр лагерларға қамалған болуп, бу кишиләрниң қамилишида тәқлидий әқил системиси әң зор рол ойниған. Гәрчә тәқлидий әқил системиси адәттә җинайәтләрниң йүз бериш еһтималлиқи һәққидә пәрәзләр билән тәмин етидиған болсиму, хитайда бу "хәтәрлик" вә "ишәнчсиз" кишиләргә алдин һөкүм қилишниң асаси болуп қалған. Буниң билән милйонлиған кишиләрниң лагерларға бериши бир кечидила бәлгиләп қоюлған.
Мақалида алаһидә қилип хитайдики тәқлидий әқил ширкәтлириниң әң назук техникилириниң америка ширкәтлиридин келиватқанлиқи тәкитлиниду. Шуниңдәк бу америка ширкәтлириниң хитай ширкәтлирини техника билән тәмин етишиниң маһийәттә уйғурларни қирғин қилишқа васитилик һалда шерик болғанлиққа баравәр икәнлики әскәртилиду. Мақалида ениқ қилип "навада биз бу қирғинчилиққа хатимә беримиз, дәйдикәнмиз, буниңдики бир муһим қәдәм америка ширкәтлириниң бу хил техника ярдимигә хатимә бериштин башлиниши лазим" дейилиду.
- Доктор турди муһәммәд абдулла теббий давалаш материяли тәтқиқатида 7 қетим патент һоқуқиға еришкән
- Доктурант фирқәт юнус: мениң бу нәтиҗилирим биздин бурунқиларниң мувәппәқийәтлиригә селиштурғанда һечнемә әмәс!
- Президент җов байден "нуремберг соти" ниң тәптишигә беғишланған нутқида уйғурларға селиниватқан зулумларни санап өтти
- Һидайәтулла оғузхан: "дуня җамаитини шәрқий түркистан хәлқиниң мәвҗутлуқ күришини қоллашқа чақиримиз"
- Әзәрбәйҗан парламент әзаси җаваншир фәйзийеф: "уйғурларға барлиқ түркий дөләтләр вә хәлқләр ярдәм қилиши керәк"
