Zémistan tori xitay ölkiliridiki "Shinjang sinipi" oqughuchilirining xitaylashturush pa'aliyetlirige qatnashturuluwatqanliqini xewer qildi

Muxbirimiz irade
2020-02-04
Élxet
Pikir
Share
Print

Xitay ölkiliridiki "Shinjang sinipliri" da oquwatqan Uyghur oqughuchilarning herxil ménge yuyush we xitaylashturush pa'aliyetlirige qatnashturuluwatqanliqi melum.

Merkizi italiyediki "Zémistan" tori 1-féwral küni xitayning jéjiyang ölkisidiki téxnikom we toluq ottura mekteplerde oquydighan, asasliqi Uyghurlardin terkib tapqan "Shinjang sinipliri" ning oqutquchiliri bilen ötküzülgen söhbet xatirisini élan qilghan. Bu söhbet xatiriliride oqutquchilar birdek bu oqughuchilarning séstimiliq haldiki wetenperwerlik, milletler ittipaqliqi, kompartiye idiyesi we döletke bolghan sadaqetmenliktin ibaret terbiyeleshlerdin ötküzülüdighanliqini éytqan. Kespiy téxnikom oqutquchisi bolsa bu oqughuchilar ichidiki ipadisi körünerlik bolghanlarning Uyghur rayonigha qayturulup, shu jaydiki saqchixanilarda, yéziliq hökümette we qosh til mektepliride xizmetke chüshüp, öz rolini jari qildurudighanliqini éytqan. 

Melum bolushiche, yuqiri derijilik organlar "Shinjang sinipliri" oqutquchilirigha bu oqughuchilarni "Wetenni söyidighan qilip terbiyelesh bir siyasiy burch" dep tekitlep turudiken. 

"Zémistan" torining xewer qilishiche, "Shinjang sinipliri" da oquwatqan bu oqughuchilar yene oqutquchiliri teripidin qerellik halda choshqa göshi yiyishtin dérek béridighan "Milletler ittipaqliqi tamiqi" yiyishke orunlashturulidighan bolup, bu heqte söz qilghan bir oqutquchi "Bu dégen hazirqi omumiy yüzlinish, kompartiyening ularni bu yerge ekilishtiki meqsiti ularni xitaylashturushtin ibaret" dégen.

Toluq bet