Xitay hökümiti Uyghur élide xitay tili we islamni xitaylashturushni téximu kücheytishni telep qilghan

Muxbirimiz erkin
2021-03-29
Share

Xitay hökümiti xelq'arada Uyghurlargha "Irqiy qirghinchiliq" qilish bilen eyiblinip, qattiq bésimgha uchrawatqan bolsimu, lékin xitay Uyghur élide xitay tili we islamni xitaylashturushni téximu kücheytishni telep qilghan. "Jenubiy xitay seher pochtisi" gézitining xewer qilishiche, bu telep Uyghur aptonom rayonluq partkomning ötken peyshenbe küni chaqirilghan yighinida otturigha qoyulghan. Yighinda, 14-marttin 17-martqiche Uyghur élide ziyarette bolghan xitay kompartiyesi merkizi komitéti siyasiy byurosining da'imiy ezasi, memliketlik siyasiy kéngeshning re'isi wang yangning sözi yetküzülgen.

Yighinda Uyghur aptonom rayonluq partkomning sékrétari chén chüen'go söz qilip, shinjang tarixi, rayondiki köp qutupluq xitay jem'iyitini birlikke keltürüshni "Téximu chongqur tetqiqat qilish" ni, shuningdek mekteplerde xitay tilini ishlitishni téximu algha sürüshni buyrughan. Xewerde éytilishiche, chén chüen'go diniy ishlarni bashqurushni kücheytishning yenila aldinqi qatardiki muhim wezipe ikenlikni tekitlep, "Islamni xitayning sotsiyalistik qimmet ölchimige maslashturush üchün téximu ilgirilep tirishchanliq körsitishni" éytqan.

Wang yang ziyaritide Uyghur élidiki kompartiye emeldarlirining bashqurushni "Elalashturup" uzun muddetlik eminlikni ishqa ashurushini telep qilghan. U xitayning Uyghurlargha qaratqan "Irqiy qirghinchiliqi" téximu qattiq qarshiliqqa uchrawatqan mezgilde Uyghur élini ziyaret qilghan. Wang yangning ziyaritining arqisidinla yawropa ittipaqi, amérika, kanada, en'gliye xitayning Uyghur élidiki 4 neper yuqiri derijilik emeldari we bir hökümet apparatigha émbargo qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet