Хитай һөкүмитиниң хенәндә мәсчитлирини «хитайчилаштуруши» туңганларниң наразилиқини қозғиған

Мухбиримиз әркин
2019-05-31
Елхәт
Пикир
Share
Принт

Хитай һөкүмити уйғур аптоном районида йолға қойған мәсчитләрни чеқиш, қуббә мунарлирини еливелип, униң қурулуш шәклини «шәрқ услуби» ға өзгәртиш һәрикити хитайниң ичкири өлкилиридики туңганлар олтурушлуқ районларда йолға қоюлушқа башлиған.

«Зимистан» ториниң хәвәр қилишичә, йеқинда хитайниң хенән өлкиси пуяң наһийәсидики бир туңган мәсчитиниң қуббиси вә униңдики ай юлтузлуқ ислами символ чеқип ташланған. Хәвәрдә, пуяң наһийәлик һөкүмәтниң 4‏-май күни мәсчитниң қуббә вә ай юлтузлуқ бәлгисини мәҗбурий чеқиш ташлиғанлиқи, уни чеқип ташлашқа 6 үн вақит кәткәнликини билдүргән. Йәрлик туңганларниң «зимистан» ториға билдүрүшичә, мәзкур мәсчитниң қуббә вә ай юлтузлуқ бәлгиси 43 миң долларға пүткән болуп, у бу наһийәдики әң чоң ислами символ икәнтуқ.

Нөвәттә униң дәл рамизанниң 1‏-күни чеқип ташлиниши диққәт қозғимақта. «Зимистан» ториниң билдүрүшичә, пуяң наһийәлик ислам җәмийити рамизан һарписида уқтуруш чүшүрүп, өлкилик диний тәкшүрүш өмикиниң барлиқ мәсчитләр чоқум «хитайчилаштурулушқа» әмәл қилиши керәкликини тәләп қилғанлиқи, шу мунасивәт билән пуяңдики мәзкур мәсчитниң қуббә вә ай юлтуз бәлгисиниң чеқип ташлинип, униң қулуш шәклиниң «хитай услуби» өзгәртилидиғанлиқини билдүргән. Хәвәрдә, диний ишлар идарисиниң бир әмәлдариниң сөзи нәқил кәлтүрүлүп, бу мәмликәт характерлик һәрикәт. Буниңға охшаш символлуқ бәлгиләрниң һәммиси чоқум елип ташлиниши керәк чеқип. . . . . . . . . Әгәр буниңға тосқунлуқ қилинса мәсчит пүтүнләй чеқип ташлиниду» дегән.

Хитайниң мәсчитләрни чеқиши яки униңдики қуббә вә ислам бәлгиләрни елип талиши уйғур районидин башланған. Чәтәлдики «уйғуризим» намлиқ торниң хәвиридә баян қилинишичә, хитай һөкүмити һазирғичә уйғур районидики мәсчитләрниң 80 % қуббә вә мунарилирини чеқип болған. Аз дегәндә 5000 мәсчит пүтүнләй чеқиветилгән.

Пикирләр (0)
Share
Толуқ бәт