Xitay axbaratlirining Uyghur kawaplirini özining qiliwélishi diqqet qozghidi

Muxbirimiz eziz
2019-08-13
Élxet
Pikir
Share
Print

Uyghurlarning ta'am medeniyitidiki eng qedimiy mezmunlardin bolghan zixliq kawapning yéqindin buyan xitay axbaratlirida "Xitay kawipi" dégen namda tonushturulushi bir qisim közetküchilerning diqqitini qozghidi.

Xitay hökümitining "Yer shari waqti géziti" 13-awghustta élan qilghan bu heqtiki mexsus maqalida "Xitay kawipi" namliq yémeklikning chet'elliklerni yerlik réstoranlargha jelp qilishta zor roli bolghanliqi alahide tekitlen'gen hemde Uyghurche kawap pishuruwatqan bir mongghulning resimi xewerge qisturulghan.

Maqalida latin amérikasi, jenubiy asiya we bashqa jaylardin xizmet we oqush sewebi bilen xitaygha kélip qalghan chet'elliklerning "Xitay kawipi" gha neqeder mehliya bolup qalghanliqi alahide tekitlinish arqiliq xitayning xelq'aradiki hemmila kishini jelp qilidighan bir makan ikenliki ishare qilinidu. Halbuki pütün maqalida "Xitay kawipi" dégen nam sekkiz qétim ishlitilgen bolsimu, "Uyghur" sözi peqetla tilgha élinmaydu. Bu arqiliq oqurmenlerge bu kawapning xitaygha xas ta'am ikenliki wasitilik halda chüshendürülidu.

Analizchilar bu heqte pikir qilip kawap türidiki yémekliklerning köchmen xelqler ijad qilghan hemde ularning turmush en'eniliride uzaq esirler mewjut bolghan mezmunlar ikenlikini eskertti. D u q ning bayanatchisi dilshat rishit bu maqalidiki "Xitay kawipi" dégen atalghuning qollinilishini "Nöwettiki Uyghur medeniyitini yoqitish herikitide otturigha chiqiwatqan medeniyet tajawuzchiliqining bir misali" dep körsetti.

Toluq bet