Xitay afghanistanda turushluq bash elchisini almashturdi

Muxbirimiz erkin
2018-02-05
Share

Xitay afghanistanda turushluq bash elchisini almashturup, Uyghur aptonom rayonida chong bolghan bir xitay diplomatini afghanistanda turushluq bash elchilikige teyinligen. Közetküchilerning ilgiri sürüshiche, xitay diplomati lyu jinsongning bu orun'gha teyinlishi xitayning afghanistanda téximu chong rol oynashni arzu qiliwatqanliqidin dérek béridiken.

Lyu jinsong 1972‏-yili a'ilisi bilen Uyghur aptonom rayonigha köchüp kélip, mezkur rayonda chong bolghan xitay köchmenlirining biri. U ilgiri xitayning "Yipek yoli fondi" ni öz ichige alghan "Bir belwagh bir yol" qurulushigha qarashliq organlirida muhim wezipilerni atqurghan. 

Közetküchiler, lyu jinsongning bash elchilikke teyinlinishi "Inchike oyliship" chiqirilghan qarar ikenlikini bildürmekte. U xitayning qeshqer-gwadar karidorini afghanistan'gha kéngeytidighanliqi, shuningdek xitayning waxan karidorida herbiy baza qurmaqchi boluwatqanliqigha da'ir xewerler tarqalghan mezgilde bu orun'gha teyinlen'gen. Firansiye agéntliqining yéqinda xewer qilishiche, bezi afghanistan emeldarliri xitayning kabul bilen waxan karidorida herbiy baza qurushni sözlishiwatqanliqini ashkarilighan. Bir afghanistan emeldari axbarat wasitilirige bergen uchurida, xitayning waxan karidorida baza qurushtiki meqsiti "Sherqiy türkistan qoralliqlirining hujumidin saqlinish ikenliki" ni bildürgen. Lékin, xitay hökümiti uningdin awwal élan qilghan bir bayanatida waxan karidorida baza qurush pilani barliqini ret qilghan idi. Közetküchilerning ilgiri sürüshiche, amérikining afghanistan istratégiyisi seweblik xitayning bu pilanini emelge ashurushi müshkül iken. Amérika terep ötken yili afghanistanda turushluq qisimlirini köpeytidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet