Хитайниң екиспорти чүшкән әмма, уйғур райониниң импорт -експорти артқан

Вашингтондин мухбиримиз әркин тәйярлиди
2023.10.13

Хитайниң бу йил 9-айдики ташқи експорти өткән йилниң охшаш мәзгилидикидин 6.2 Пирсәнт азайған. Охшаш бир вақитта униң импорт таварлириниң миқдариму азайған. Америка таратқулириниң билдүрүшичә, униң 9-ай ичидики импорт таварлириниң миқдари өткән йилниң охшаш мәзгилидикидин ошашла 6.2 Пирсәнт азайған. Хәвәрләрдә, хитай импорт миқдари ройтерс агентлиқиниң пәризидин  азрақ артип кәткәнликии билдүрүлмәктә. Ройтерс агентлиқи илгири хитайниң 9-ай ичидики тавар импортиниң 6 пирсәнт азийиши мумкинликини пәрәз қилған. Лекин хитайниң експорти ройтерс  агентлиқиниң пәризидин төвән чиққан. Ройтерс агентлиқи хитай експортиниң азийип кетишиниң 7.6 Пирсәнткә йетиши мумкинликини пәрәз қилғаниди.

Америка CNBC телевизийә қанилиниң билдүрүшичә, хитайниң експорти бу йил 5-айдин башлап айму-ай төвәнләп маңмақтикән. Хәвәрдә, бу йил хитайниң содисиниң зор дәриҗидә төвәнләп кетишигә дуняда хитай маллириға болған еһтияҗниң вә дөләт ичидә истемал тәлипиниң азийип кетиши сәвәб болғанлиқи билдүрүлгән. Лекин шундақтиму мәһсулат түрлиридә хитайниң аптомобил експорти тез ешип маңмақтикән. Һалбуки, аптомобил ишләпчиқиришида, болупму униң руда ишләпчиқириш басқучида, уйғур мәҗбурий әмгики кәң омумлашқан, дәп қаралмақта.

Хитайниң 9-ай ичидики експорт-импорти 6 пирсәнттин артуқ азайған болсиму, лекин уйғур аптоном райони даирилири мәзкур районниң йеқинқи 8 ай ичидики импорт-експортиниң шиддәтлик артқанлиқини қәйт қилишмақта. “шинҗаң гезити” ниң 13-өктәбир үрүмчи таможна идарисиниң санлиқ мәлуматидин нәқил кәлтүрүп бәргән хәвиридә, уйғур райониниң йеқинқи 8 ай ичидики импорт-експорти өткән йилниң охшаш мәзгилидикидин 51.2 Пирсәнт артқанлиқини билдүргән. Үрүмчи таможна даирилириниң қәйт қилишичә, уйғур райониниң бу мәзгилдики импорт-експорт соммиси 219 милярд 190 милйон йүәнгә йәткән. Буниң ичидә қәшқәр вилайитиниң импорт-експорти 98.5 Пирсәнт артқан. Кишилик һоқуқ көзәткүчилириниң қаришичә, бу санлиқ мәлумат районниң иқтисади қурулмисидики йеқинқи 6 йиллиқ өзгириш вә уйғур мәҗбурий әмгикиниң униңдики картинисини намаян қилидикән.  

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.