Xitay sh h t yighinida “Térrorluq tehditi” ni kötürüp chiqqan

Muxbirimiz irade
2018.04.24
Share on WhatsApp
Share on WhatsApp

Xitay, shangxey hemkarliq teshkilatining béyjingda échiliwatqan yighinida “Térrorluqqa qarshi küresh” ni eng muhim mesile, dep tekitligen. Birleshme agéntliqining xewer qilishiche, seyshenbe küni, xitayning mudapi'e ministiri wéyféng xé shangxey hemkarliq teshkilatigha eza döletlerning mudapi'e emeldarliri bilen ötküzülgen yighinda söz qilip, “Térrorluq tehditige qarshi küresh qilish nöwette biz muzakire eng qilidighan eng jiddiy mesile” dep körsetken.

Nurghun közetküchiler xitay hökümitining Uyghurlarning milliy musteqilliq herikitini basturushta qoshna ellerning hemkarliqini qolgha keltürüsh üchün shangxey hemkarliq teshkilatini qurghanliqini ilgiri süridu.
Birleshme agéntliqi bu heqtiki xewiride: “Xitay bu yighinda térrorluq mesilisini merkizi nuqta qilish arqiliq, öz dölet ichidiki bolupmu türk tilida sözlishidighan shinjang rayonidiki nahayiti ajiz bölgünchilik heriketlirige térrorluq markisi chaplap turup etraptiki qoshna döletlirining qollishini qolgha keltürüshni arzu qilmaqta” dep yazghan.

Xitay hökümiti Uyghur élide yüz bergen naraziliq heriketlirini chet'ellerdiki islam qoralliq küchlirige baghlap, xitayning térrorluqqa qarishi urush qiliwatqanliqini ilgiri sürmekte.

Halbuki, amérika dölet ishliri ministirliqi jüme küni élan qilghan yilliq kishilik hoquq doklatida “Xitay hökümitini Uyghur élide térrorluqqa qarshi küreshni bahane qilip turup, héchqandaq delil ispat körsetmigen ehwal astida, kishilerni neq meydanda étip öltürmekte” dep tenqid qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet