Amérika xongkongluqlargha quchaq échishni oylashmaqta

Muxbirimiz irade
2020-06-04
Share

Amérika tashqi ishlar ministiri mayk pompéyo yéqinda qilghan sözide amérikaning xongkongluqlargha keng kölemde ishik échishni oylishiwatqanliqini bildürdi.

U sözide "Amérika xitayning xongkongda 'dölet xewpsizliki qanuni' chiqirishni ilgiri sürüshige qarshi tedbir yosunida xongkongdin kelgen kishilerni qarshi élishni oylishiwatidu," dégen.

Melum bolushiche, bundaq bir tedbir amérika kéngesh palatasining jumhuriyetchi rehbiri mich makkonnilningmu qarshi élishigha érishken bolup, umu bu heqte qilghan sözide tiramp hökümitining xitayning xongkongdiki erkinlikni chekligenliki üchün byéjingni jazalashning konkrét usulini tépip chiqishi kéreklikini bildürgen. Makkonnél kéngesh palatasigha xitab qilip: "Amérika bashqa démokratik döletlerning inkasini eynek qilishi we bu rayondiki kishilerge ishikni échishi kérek. Amérikaning urush we kommunizmdin qéchip kelgen musapirlargha ümid chirighi bolushtek en'enisi bar," dégen.

Aldinqi jüme küni amérika prézidénti donald tramp xitay hökümitining xongkongni qayturuwalghannda qilghan wedisige xilapliq qilghanliqini qattiq tenqidlep: "Xitay xongkongning muqimliqini buzdi," dégen we xongkonggha bergen alahide tijaret imtiyazlirini bikar qilidighanliqini jakarlighan idi.

Shuning bilen birge yene en'gliye hökümitimu 3 milyon'gha yéqin xongkong ahalisigha eger ular xalisa puqraliq salahiyiti bérish yoli bilen yardem qilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet