Bir namayishchini kaltek bilen urghan xongkong saqchisi 3 ayliq qamaqqa höküm qilindi

Muxbirimiz shöhret hoshur
2018-01-03
Share

2014‏-Yili xongkongda yüz bergen keng kölemlik namayish dawamida bir namayishchini kaltek bilen urghan saqchi xadimi frankiy chu yéqinda xongkong soti teripidin 3 ayliq qamaqqa höküm qilin'ghan.

Roytérz agéntliqining bügünki bu heqtiki xewiride déyilishiche, mezkur saqchigha eslide 4 ayliq qamaq jazasi muwapiq körülgen, emma uning pénsiyege chiqqan bir saqchi ikenliki we qilmishini tekrarlash éhtimali yoqluqi közde tutulup, jaza üch aygha chüshürülgen. Xongkong soti ötken yili 12 neper saqchini namayishchilargha heddidin ziyade küch ishlitish bilen eyiblep ikki yilliqtin qamaqqa höküm qilghan.

Xitay saqchiliri 2009‏-yili "5‏-Iyul weqesi" de namayishchilargha qara-qoyuq oq chiqarghan, bir qisim tutqunlarning iz-dérikini yoqitiwetken bolsimu, xitay edliye tarmaqliri bularning héchbirining hésabini sorimighan idi.

Musteqil tetqiqatchi ilham toxti "Uyghurbiz" torida maqale élan qilip, xitay da'irilirini ghayib qiliwétilgen Uyghurlar heqqide jem'iyetke melumat bérish we ghayiblar paji'eside mes'uliyiti bar saqchi xadimlirini jawabkarliqqa tartishqa chaqirghan idi. U bu teklipini rayonda milletler munasiwitini yaxshilash we dölet bixeterlikining asasini yaritish nuqtisidin otturigha qoyghan bolsimu, emma da'iriler Uyghur rayonidiki saqchilirini jazalashni xalimighan. Buning ornigha ilham toxtini "Bölgünchilik" bilen eyiblep, uni muddetsiz qamaqqa höküm qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet