Америка дөләт мәҗлис әзалири хоңкоңда әркинлик, демократийини қоғдаш һәққидә қанун лайиһәси сунди

Америка дөләт мәҗлисиниң икки җумһурийәтчи, демократик палата әзаси җүмә күни “хоңкоңда әркинлик-демократийәни қоғдаш қанун лайиһәси” сунуп, хоңкоңниң әркинлики тәһдиткә учраватқанлиқини, америка һөкүмитиниң хоңкоңда әркинлик, демократийәни қоғдишини тәләп қилған.

Қанун  лайиһәсини демократик кеңәш палата әзаси шәрод бровен билән җумһурийәтчи авам палата әзаси кристофер смис тәйярлиған. Мәзкур қанун  лайиһәсидә бурунқи “америка-хоңкоң сиясәт қануни” ға түзитиш киргүзүлүп, хитайниң хоңкоңға бәргән вәдисигә әмәл қилған -қилмайватқанлиқини назарәт қилиш, бу тоғрулуқ һәр йили доклат елан қилиш тәләп қилинған.

Кеңәш палата әзаси шәрод бровен қанун лайиһәси һәққидә тохтилип, хоңкоңниң аптономийә, әркинлики бейҗиңниң тәһдитигә учраватиду. Шуңа, қанун чиқирип, хоңкоң хәлқиниң аптономийә вә әркинликигә капаләтлик қилиш керәк, дегән.

Америка 1992‏- йили “хоңкоң сиясәт қануни” чиқирип, хоңкоң аптономийәсини вә бир дөләттә икки хил түзүмни қоллиған. Авам палата әзаси кристофер смис, хоңкоң аптономийәси йеқинқи йиллардин буян давамлиқ тосқунлуққа учрап кәлди. Бу, дунядики һәрқандақ йеридики әркинликни сөйидиған кишиләрниң диққитини қозғайду, дегән.