Хитай һөкүмити хоңкоңға "дөләт хәвпсизлики қануни" ни таңмаңтикән

Мухбиримиз ирадә
2017-11-16
Share

Ройтерс агентлиқиниң хәвиридин қариғанда, пәйшәнбә күни хитай һөкүмити хоңкоңни "дөләт хәвпсизлики қануни" ни әмәлийләштүрүш мәсилисидә агаһландурған. Игилинишичә, мәзкур қанунниң хоңкоңниң әркинликни йәниму илгириләп чәкләйдиғанлиқи мөлчәрләнмәктә.

Хәвәрдин мәлум болушичә, пәйшәнбә күни, хитай хәлқ қурултийи қанун комитетиниң башлиқи ли фей бу һәқтә тохтилип, хоңкоңдики бу "қанун бошлуқи" ниң чоқум толдурулуши керәкликини тәкитлигән вә "биз бу бошлуқниң зиянлиқ нәтиҗилирини көрүватимиз," дегән.

Хоңкоңда университет оқуғучилириниң хитай мәркизи һөкүмитиниң хоңкоң демократийиси үстидики тәсириниң зорийишиға болған наразилиқи алаһидә көзгә көрүнүп кәлгән иди. Йеқинқи йиллардин буян, җошува ваң қатарлиқ оқуғучилар рәһбәрлири башчилиқида "күнлүк һәрикити" қатарлиқ демократик намайишлар йүз бәрди. Кейин бу һәрикәт тарқақлаштурулған болсиму, хоңкоңдики алий мәктәпләрдә хитай һөкүмитигә қарши наразилиқ һәрикәтлири охшаш болмиған усулларда ипадилинип кәлди. Мәсилән, хоңкоңда өткүзүлгән мусабиқиләрдә хитай дөләт марши орунланғанда оқуғучиларниң шоар товлаш яки тәтүр қаривелиш арқилиқ қаршилиқ билдүрүши әң көзгә көрүнәрлик ипадиләрниң бири болуп, мәзкур вәқә ахбаратларда кәң хәвәр қилинған иди.

Ройтерс агнтлиқиниң билдүршичә, хитай қанун комитетиниң башлиқи ли фей бир йерим саәт давам қилған сөзидә, тиғ учини мушу вәқәләргә тәгкүзүп туруп, "уларниң бу һәрикәтлири толиму чакина. У қанунсизлуқни мәнбә қилған. Биз бундақ һәрикәтләргә қилчиликму иккиләнмәй қәтий қарши турушимиз керәк," дегән.

Хитай техи йеқинда дөләт маршини мәсхирә қилғанларни қануний җавабкарлиққа тартидиған бир қанунни мақуллиған иди. Көзәткүчиләр нөвәттә хитайниң бу қанунни хоңкоңғичә кеңәйтиши мумкинликини пәрәз қилишмақта. Әмма хоңкоң йәрлик һөкүмити "хәвпсизлик қануни" ни һазирқидәк назук бир шараитта хоңкоңға теңиши яхши ақивәт елип кәлмәйду, дәп агаһландурмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт