Xoten da'iriliri muqimliq mesilisidin ensirep dem almay yighin achti

Muxbirimiz irade
2017-10-04
Share

Xoten da'iriliri xitayning dölet bayrimida dem almay yighin échip, xotendiki yézilarning muqimliqini saqlashni tekitligen.

Xoten gézitining xewiridin qarighanda, xoten wilayitining partkom sékrétari nyu shöshing 3-öktebir seyshenbe küni xoten shehirige qarashliq bir qisim yéza-kentlerning mes'ul kadirliri bilen yighin échip, bixeterlik xizmetlirini qattiq kücheytip, muqimliqni qet'iy saqlash arqiliq 19-qurultayning muweppeqiyetlik échilishigha kapaletlik qilishni telep qilghan. 

Uning xitayda dölet bayrimi dem élish mezgilide yene muqimliqni tekitlep yighin chaqirishi diqqet qozghidi.

Xitayda dölet bayrimi munasiwiti bilen eslide 1-öktebirdin 8-öktebirgiche 8 kün dem élish élan qilin'ghan.

Biraq, Uyghur rayonluq partkom sékrétari chén chüen'goning buyruqi bilen dem élish bikar qilinip, Uyghur élidiki barliq dölet ishchi-xizmetchi, kadirlirining ish orunlirigha qayta yighiwélin'ghanliqini xewer qilin'ghan.

Yuqiridiki bu xewermu buning toghriliqini delillimekte. 

Xoten géziti bügünki xewiride yene, xoten wilayetlik hökümetning térrorluq-zorawanliq weqeliri heqqide yip uchi bilen teminligenlerni eng yuqirisi 5 milyon yüen bilen mukapatlash heqqide bir qanche ay awwal élan qilin'ghan uqturushini yene qaytidin jakarlighanliqini xewer qildi. 

Közetküchiler, chén chüen'goning 19-qurultay échilish bahanisi bilen Uyghur élining siyasiy atmosférasini nepes alghusiz derijige ekélip qoyuwatqanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet