Xitay hökümiti xususi shérketlerni jenubtiki wilayet-oblastlarda zawut-karxana qurushqa seperwer qildi

Muxbirimiz erkin
2020-10-12
Share

Amérikaning kishilik hoquq imbargosigha uchrap, Uyghur diyarida iqtisadiy krizisqa duch kelgen xitay hökümiti xususiy shérketlerni heriketlendürüp, jenubtiki wilayet we oblastlarda zawut-karxana qurushqa seperwer qilghan. "Shinjang géziti" ning ashkarilishiche, xitay dölet ishliri kabinéti, Uyghur aptonom rayonluq partkom we hökümet 11-öktebir küni xotende seperwerlik yighini chaqirip, "Xususiy karxanilarning jenubqa yürüsh qilish herikiti" ni qozghighan.

Xewerde bu heriketning "Shinjang xizmiti söhbet yighini" we shi jinpinning yighinda sözligen sözige awaz qoshup, xususiy karxanilarning jenubtiki wilayet-oblastlarda zawut-karxana qurushi, "Jenubning namratliqni tügitishige yardem bérishi" ni algha sürüshni meqset qilghanliqi ilgiri sürülgen. Lékin közetküchilerning tekitlishiche, amérikaning rayondiki xitay karxanilirigha émbargo qoyushi, xelq'ara shirketlerning mezkur rayon bilen bolghan soda alaqisini késishke bashlishi rayondiki xitay xususiy karxanilirida qattiq endishe peyda qilghan.

Közetküchiler, xitay da'irilirining bu heriket arqiliq xitay xususiy karxanilirigha teselli we ilham bérip, xitayning bu karxanilarni mezkur rayonda dawamliq tutup qélishqa urunuwatqanliqini bildürdi. "Shinjang géziti" ning bildürüshiche, yighinda Uyghur aptonom rayonluq partkomning mu'awin sékrétari li péngshin: "Xususiy karxanilarning jenubqa yürüsh qilish pa'aliyitining ötküzülüshi partiyining yéngi dewrdiki shinjangni bashqurush istiratégiyesini yolgha qoyushning konkrét ipadisi," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet