Yaponiye bash weziri kishida: “Uyghurlarning kishilik hoquq weziyitidin jiddiy endishe qiliwatimiz”

Muxbirimiz erkin
2022.11.14
Share on WhatsApp
Share on WhatsApp

Yaponiye bash weziri fomi'o kishida 13-noyabir küni kombodzhada ötküzülgen sherqiy-jenubiy asiya döletlirining bashliqlar yighinida söz qilip, Uyghurlarning kishilik hoquq weziyitidin “Jiddi'iy endishe” qiliwatqanliqini bildürgen.

Xelqara munasiwetlerde, bolupmu xitay bilen bolghan munasiwetlerde pewqul'adde éhtiyatchan bolghan yaponiyening xitay bash ministiri li kéchyangmu qatnashqan bir xelq'araliq yighinda Uyghurlarning weziyitidin “Qattiq endishe” qiliwatqanliqini ashkara otturigha qoyushi, bir yéngiliq hésablinidu.

Roytérs agéntliqining yaponiye tashqiy ishlar ministirliqining bayanatidin neqil keltürüp bergen xewiride éytilishiche, yighinda yaponiye bash weziri kishida teywen boghuzida tinchliq we muqimliqqa kapaletlik qilishning rayon bixeterliki üchün intayin muhim ikenlikini tekitlesh bilen bir waqitta, Uyghur xelqining kishilik hoquq weziyitidin “Jiddiy endishe” qilidighanliqinimu tekitligen.

Kishida yene xitayning yaponiyening igilik hoquqigha xilapliq qilidighan, rayon weziyitini jiddileshtüridighan heriketler bilen dawamliq hem barghanséri köp shughulliniwatqanliqini bildürüp: “Xitayning sherqiy déngizda yaponiyening ‍igilik hoquqigha xilapliq qilish herkiti dawamlashmaqta hem izchil köpeymekte. Xitay yene jenubiy déngizdimu rayon weziyitini jiddiyleshtüridighan heriketlirini dawamlashturmaqta” dégen.

Yighinda fomi'o kishida amérika prézidénti jow baydénning arqisidin sözge chiqqan. Baydén sözide teywen boghuzida tinchliq we muqimliqni saqlashning muhimliqi, jenubiy déngizda erkin déngiz qatnishigha kapaletlik qilishning muhimliqini tekitligen. Prézidént baydén amérikaning eng chong reqibi bolghan xitayning rayonda özining tesirini jiddiy kücheytiwatqan bir peytte, amérikaning rayondiki döletler bilen “Hemmisi körüshni arzu qilghan téximu yaxshi bir kélechek qurup chiqidighanliqi”ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.