Yaponiye - fransiye herbiy téxnika ötküzüp bérish kélishimge imza qoyghan

Muxbirimiz jüme
2015.03.14


Jüme küni yaponiye - fransiye herbiy öskine we herbiy téxnika ötküzüp bérish kélishimge imza qoyghan. Mezkur kélishim boyiche ikki terep dölet mudapi'esige alaqidar qorallarni birlikte tereqqiy qilduralydiken.

Jüme küni yaponiye we fransiye tashqi ishlar ministirliri élan qilghan birleshme bayanatta yuqiri kélishimge yuqiri baha bergen.

Yaponiye tashqi ishlar weziri fumi'o kishida kélishimning ikki döletning xewpsizlik sahesidiki hemkarlishish derijisini yene bir baldaq yuqiri kötürgenlikini bildürgen.

Fransiye tashqi ishlar ministiri yuqiriqi kélishimning her ikki terep üchün paydiliq ikenlikini tekitligen.

Melum bolushiche, bu ikki dölet kelgüside yene herbiy qoshunliri arisidiki arqa sep hemkarliqinimu kücheytishke qarap qedem élishqimu kélishken.

Yaponiye ötken ikki yil jeryanida en'gliye we awstraliye qatarliq döletler bilen yuqiriqigha oxshash kélishimlerni imzalighan we özining chet'elge esker ewetish we qoral - yaraq éksport qilish qedimini tézletken idi.

Bu xitay da'irilirining naraziliqini qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.