Yaponiye - rusiye mudapi'e we tashqi ishlar ministirliri tokyoda uchrashti

Muxbirimiz ümidwar
2013-11-03
Share

Yaponiye - rusiye munasiwetliri tarixida tunji qétim rusiye tashqi ishlar we mudapi'e ministirliri bilen yaponiye tashqi ishlar we mudapi'e ministirliri teng uchriship, ikki döletning diplomatik we herbiy munasiwetlirini muhakime qildi.

B b s agéntliqining yézishiche, mezkur uchrishish xelq'araliq diqqetke érishken bolup, yaponiye téléwiziyiliri we bashqa axbarat wasitiliri rusiye bilen yaponiye munasiwertlirining yéqindin buyan téz sürette tereqqi qilishidiki asasliq amilning her ikkila döletning xitayning bash kötürüshini paydisiz dep qarighanliqi, bolupmu, rusiyining xitaydin ibaret zor nopusqa ige iqtisadiy küchke qarita xeter tuyghusining dawamliq küchiyiwatqanliqigha baghlap tehlil qilghan.

Analizchilar rusiyining yaponiye bilen bolghan hemkarliqni kücheytishidiki sewebning prézidént putinning tinch okyan rayonida birla junggo bilen hemkarlishish bilen cheklinip qalmay ,téximu yuqiri istratégiyilik tengpungluq yaritish tashqi siyasitini yürgüziwatqanliqi ikenlikini ilgiri sürgen.

Rusiyining xewerler agéntliqining yézishiche, bu uchrishishqa rusiye tashqi ishlar ministiri lawrow we mudapi'e ministiri shoygu qatnashqan.

Ikki terepning söhbitide sherqiy asiyaning bixeterliki, yaponiyining özini qoghdash qisimlirining rusiye armiyisi bilen bolghan munasiwetlirini kücheytish hemde birlikte meshiq qilish shuningdek déngiz - okyan bixeterliki mesililirini muzakire qilin'ghan.

Rusiye metbu'atlirining yézishiche, rusiye üchün yene bir muhim nuqta rusiyining yaponiye bilen bolghan iqtisadiy munasiwetlirini kücheytish arqiliq yiraq sherq rayonining iqtisadiy tereqqiyatini ilgiri sürüshtur. Yaponiye üchün muhim nuqta özining arallar mesiliside xitay bilen bolghan riqabetliride rusiyining qollishigha érishish hemde sowét ittipaqi bésiwalghan töt aralni qayturiwélish mesiliside ilgirilesh hasil qilishtin ibaret.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet