Arfiye éri yaponiye siyasiy sehniside zor diqqet qozghimaqta

Muxbirimiz eziz
2022.06.21
Share on WhatsApp
Share on WhatsApp

Yaponiye parlaméntining yuqiri palata ezaliq saylimigha özini tizimlatqan Uyghur qizi arfiye éri (arfiye ablet) yéqindin buyan herqaysi axbarat sahesining küchlük diqqitini qozghap kelmekte.

“Bügünki yaponiye” gézitining 20-iyundiki xewiride éytilishiche, bu yil 33 yashqa kirgen arfiye ilgiriki waqitlarda birleshken döletler teshkilati (b d t) da ishligen xizmet tejribisi asasida özining Uyghurche, xitayche, yaponche, in'glizche qatarliq köp xil tilni pishshiq igiligen, siyasiy we iqtisadiy mesililer bilen yaxshi tonushluqi bolghan bir kandidat ikenlikini namayan qilmaqtiken. U muxbirlarning bu heqtiki so'allirigha jawab bérip ؛ “Qiziqarliq yéri, kishiler méning siyasiy qarishim heqqide emes, köpinche Uyghurlar duch kéliwatqan mesililer heqqide so'al sorawatidu. Bir Uyghur bolush süpitim bilen men buni toghra chüshendim” dégen. Xewerde éytilishiche, arfiye axbarat sahesining Uyghurlar heqqidiki so'allirigha jawab bergende qet'iy halda “Shinjang” dégen namni qollinishni ret qilip kelgeniken. U bu heqte söz bolghanda “Uyghur diyaridiki mislisiz zulumlar” dégen jümlini köp qétim tilgha alghaniken.

Arfiye bu heqte ehwal tonushturup, özining Uyghur bolushi tüpeylidin barghanséri köp kishilerning bu saylam riqabitige qiziqiwatqanliqini, bu jeryanda yaponiyedimu “Köp xilliq” qa bolghan mayilliqning éship méngiwatqanliqini alahide tekitligen. Saylam netijisi 10-iyul küni melum bolidighan bolup, nöwette yaponiye parlaméntidiki yétekchi küch bolghan erkin démokratlar partiyesining saylamda utup chiqish éhtimalliqi zor, dep qaralmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.