Dunya Uyghur qurultiyi yaponiyeni b d t da xitayni jawabkarliqqa tartishqa chaqirghan

Muxbirimiz erkin
2022.09.26
Share on WhatsApp
Share on WhatsApp

Dunya Uyghur qurultiyi yaponiye hökümitini b d t da heqiqiy we konkirét heriket qollinip, b d t kishilik hoquq komissariyati ishxanisining Uyghurlar heqqidiki doklatigha inkas bildürüshke, xitayning Uyghurlargha qaratqan depsendichilikini jawabkarliqqa tartishqa chaqirghan.

Chaqiriqta “Yaponiye hökümitining (xitayni) jawabkarliqqa tartishi, Uyghur qurbanlirining adaletke érishishige kapaletlik qilishi üchün konkirét tirishchanliq körsitishi” telep qilin'ghan. Chaqiriqta yene yaponiyening asiya, tinch ‍okyan rayonidiki kishilik hoquq we démokratiyeni algha sürüshte eng tesir küchke ige bolghan bir dölet bolush süpitide “Bu qimmet qarishida ching turushi, jümlidin xitay hökümitige qarshi ching turushi” iltija qilin'ghan.

Chaqiriqta “Yaponiye hökümitining xitay hökümitining jinayi jawabkarliqini sürüshtürüsh yolidiki hazirqi we kelgüsidiki heriketlerni qollishi” ni, buning b d t da mexsus munazire élip bérip, sherqiy türkistan weziyitini nazaret qilidighan musteqil tekshürüsh komitéti qurushni öz ichige élishini telep qilghan. Bu chaqiriq dunya Uyghur qurultiyining re'isi dolqun eysa bashchiliqidiki 4 kishilik bir ‍ömek yaponiyeni ziyaretke qilishqa bashlighan, shundaqla amérikaning mu'awin prézidénti kamala xarris bashchiliqidiki bir amérika hökümet wekiller ömiki merhum sabiq bash wezir shinzu abéning döletlik teziye murasimigha qatnishish üchün yaponiyege yétip kelgen bir waqitta élan qilin'ghan. Roytérs agéntliqining xewer qilishiche, mu'awin prézidént kamala xarris bilen yaponiye bash weziri fumi'o kishida 26-séntebir körüshüp, xitayning teywen boghuzidiki herkitini eyibligen.

Halbuki, mezkur söhbette tereplerning Uyghur mesilisini tilgha alghan-almighanliqi melum emes. Aqsarayning bayanatida kamala xarris bilen kishidaning “Xitay xelq jumhuriyitining teywen boghuzidiki yéqinqi ighwagerchilik we mes'uliyetsizlikini muzakire qilghanliqi” ni, “Teywen boghuzining tinchliqi we muqimliqini qoghdashning muhimliqini qayta tekitligenliki” ni bildürgen. Roytérs agéntliqining éytishiche, kamala xarris yene amérikaning yaponiyeni qoghdash wedisinimu qayta tekitlgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.