Dunya Uyghur qurultyi'i rehbiri yaponiyeni “Quruq wedisi” ni az qilip emili ish qilishqa chaqirghan

Muxbirimiz erkin
2022.09.30

Yaponiyeni ziyaret qiliwatqan dunya Uyghur qurultiyining re'isi dolqun eysa, 30-séntebir yaponiye xelq'ara muxbirlar kulubida axbarat yighini ötküzüp, yaponiyeni xitayning Uyghur irqiy qirghinchiliqini toxtishishta “Quruq wedini az qilip, köprek emeliy heriket qilish” qa chaqirghan. Roytérs agéntliqining xewer qilishiche, dolqun eysa özining yaponiyege parlamént ezaliri bilen körüshüsh we hökümetni b d t kishilik hoquq kéngishidiki xitayning Uyghurlargha tutqan mu'amilisige a'it munazirige qatnishishigha chaqirish üchün kelgenlikini éytqan.

U muxbirlargha yaponiyening bu mesilidiki qararliri we bayanatlirining “Quruq wede bolup, irqiy qirghinchiliqni toxtishishta yéterlik emesliki” ni bildürgen. Xewerde uning mundaq dégenlikini bildürdi: “Yaponiye parlaméntining Uyghur irqiy qirghinchiliqigha qarita téximu aktip heriket qilish mes'uliyiti bar”.

Roytérsning éytishiche, dolqun eysa yene dunya Uyghur qurultiyining amérika, en'gliye we bashqa döletlerning Uyghur mesilisini b d t kishilik hoquq kéngishide muzakire qilish teklipining qollashqa érishishi üchün dunyadiki herqaysi jaylirida heriket qiliwatqanliqini éytqan.

Dunya Uyghur qurultiyining dolqun eysa bashchiliqidiki 4 kishilik bir ömiki ‍ötken hepte yaponiyege yétip kelgen. Ularning yaponiye ziyariti amérika, en'gliye qatarliq döletlerning sun'ghan teklipi kéler hepte b d t kishilik hoquq kéngishide awazgha qoyulidighan bir peytte élip bérilghan.

Melum bolushiche, Uyghur mesilisi b d t kishilik hoquq kéngishining kéler yili 1-aydiki yighinida muzakire qilinishi üchün teklip layihesi qattiq bölünüshke kirip qalghan kishilik hoquq kéngishide kéler hepte köp sanliq awazning qollishigha érishishi kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.