Yaponiye Uyghur jem'iyitining ezaliri yaponiye parlamént ezaliri bilen uchrashti

Muxbirimiz irade
2020-01-24
Élxet
Pikir
Share
Print

Xitay hökümiti Uyghur élida peyda qilghan kishilik hoquq kirizisi chongqurlashqanséri herqaysi döletlerdin buninggha qarshi tedbir élish chaqiriqlirimu kücheymekte.

24-Yanwar küni yaponiye Uyghur jem'iyitining ezaliri mexsus yaponiyening bir qisim parlamént ezaliri bilen uchriship, yaponiye hökümitining bu mesilige köngül bölüshini telep qilghan. 

Yaponiye Uyghur jem'iyitining radiyomizgha xewer qilishiche, bu uchrishish pa'aliyitige yaponiye Uyghur jem'iyitining 5 neper ezasi qatnashqan. Ular jüme künidiki uchrishishliri jeryanida yaponiye parlaméntning 6 neper ezasi bilen biwaste uchrashqan. Yene 36 neper parlamént ezasining katipliri bilen körüshüp teleplirini yetküzgen. Uchrishishta parlamént ezaliri we ularning katiplirigha Uyghur élining nöwettiki weziyitini tepsiliy chüshendürülüsh bilen birge yaponiye hökümitidin we siyaset sahesidikilerdin bu mesilige köngül bölüshni we insaniyetke qarshi bu jinayetni toxtitish üchün heriketke ötüshni telep qilghan. 

Yaponiye Uyghur jem'i'iyti ötken yilining sintebir éyidimu yaponiye parlamént binasida mexsus Uyghurlarning weziyitini tonushturush yighini uyushturup, küchlük qollashqa érishken idi.

Toluq bet