Yaponiye ministirliri yasukuni qebrigahini ziyaret qilip xitayni yene bi'aram qildi

Muxbirimiz irade
2015-04-23
Élxet
Pikir
Share
Print

Yaponiye dölet kabintining üch ministiri peyshenbe küni yasukuni qebrigahini ziyaret qilghandin kéyin xitay buninggha derhal naraziliq bildürdi. Xitay tashqi ishlar ministirliqining bayanatchisi xung léy bu ziyaretni "Tarixqa tutulghan xata pozitsiye" dep atighan.

Birleshme agéntliqining xewer qilishiche, qebrigahni ziyaret qilghan ministirlardin biri bolghan apetke qarshi turush we kontrol qilish ministiri xariko arimura muxbirlargha qilghan sözide "Men peqet öz wetini üchün küresh qilip, jénini pida qilghanlargha hörmitimni we minnetdarliqimni bildürdüm" dégen.

Bu üch ministirning yasukunigha qilghan ziyariti charshenbe küni xitay dölet re'isi shi jinping bilen yaponiye bash weziri shinzo abé hindonéziyede uchrashqandin bir kün kéyin élip bérilghan idi. Xitayning shinxu'a agéntliqi ikki dölet rehbirining uchrishishi jeryanida shi jinpingning yaponiyeni tarixigha toghra mu'amile qilishqa chaqirghanliqini xewer qilghan. Emma shinzo abé hindonéziyediki sözide bu mesilidiki pozitsiyisini özgertidighanliqigha a'it héchnéme démigen.

Shinzo abéning yekshenbe küni amérikigha qilidighan resmiy ziyariti del ikkinchi dunya urushining 70 yilliq xatire mezgilige toghra kélidighan bolup, közetküchiler buning amérika-yaponiye munasiwetlirini kücheytish yolidiki muhim bir ziyaret bolidighanliqini mölcherlimekte.

Toluq bet