Yawropa ittipaqi yil axirida "Magnitiskiy qanuni" ni maqullaydu


2020-07-21
Share

Uyghur diyaridiki türlük siyasiy basturush we milliy paji'eler dunyagha köplep ashkara bolghandin kéyin fransiyedimu buninggha qarshi birer emili qedemni élish chuqanliri otturigha chiqishqa bashlidi. Yéqinda firansiye jama'iti firansiye hökümitini Uyghurlar mesiliside ashkara ipade bildürüshke chaqirip türlük pa'aliyetlerni teshkillidi.

Bu xildiki jama'et pikri sewebidin yéqinda firansiye parlaméntining ezasi, uzundin buyan Uyghur we tibet mesilisini közitip kéliwatqan andré gattolin firansiye axbaratining ziyaritini qobul qilghanda yawropa ittipaqining 2020-yilining axirida "Yawropa ittipaqining magnitiskiy qanuni" ni maqullaydighanliqini ashkarilidi. "Xitay waqti" torining 21-iyuldiki xewiride bu hal alahide tekitlendi.

Xewerde éytilishiche, 20-iyul küni yawropa ittipaqi parlaméntining firansiyelik ezasi rafél gluksman özining tiwéttér bétide firansiye prézidénti émmanyul makron'gha uchur yollap "(Uyghurlar mesiliside) dawamliq süküt qilidighan ishingiz bolsa bundin kéyin uniwérsal qimmet, jumhuriyet erkinliki dégen témilardin söz échishingizning hajiti qalmaydu" dégen.

Muxbirlarning so'allirigha jawab bergende parlamént ezasi andré gattolin Uyghurlarning nechche on yildin buyan basturulup kelgenlikini, emdilikte bolsa lagérlar we Uyghurlarning nopusini mejburiy yosunda cheklesh tedbirlirini éliwatqanliqini alahide tekitligen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet