Yawropa ittipaqi parlaménti mejburiy emgektin paydilinip ishlepchiqirilghan mehsulatlarni chekleshni qarar qilghan

Washin'gtondin muxbirimiz uyghar teyyarlidi
2024.04.23

Yawropa parlaménti 555 neper parlamént ezasining qollishi bilen mejburiy emgek mehsulatlirini chekleshni qarar qilghan.

Firansiye 24 qanilining 4-ayning 23-künidiki xewirige asaslan'ghanda, yawropa ittipaqi parlamént ezaliri seyshenbe küni bélet tashlap mejburiy emgektin paydilinip ishlepchiqirilghan mehsulatlarni chekleshni qarar qilghan. Shuning bilen bir waqitta bu qararning yawropa ittipaqining xitay bilen bolghan munasiwitide jiddiylik keltürüp chiqirish xewpining barliqi ilgiri sürülgen.

Gerche bu qarar xitayni biwasite tilgha almisimu, emma nurghun parlamént ezaliri buning Uyghur mejburiy emgikige chétishliq mehsulatlarni xitaydin import qilishni chekleshte muhim roli bolidighanliqni tilgha alghan.

Yawropa parlaméntidiki 555 parlamént ezasining qollishi bilen maqullan'ghan bu qanun yawropa ittipaqigha eza 27 döletning testiqidin kéyin resmiy küchke ige bolidiken.

Roytérs agéntliqining bu heqtiki xewiride éytilishiche, bu qanun küchke ige bolsa yawropa ittipaqigha eza döletlerning hoshyarliqini östürüp, ularning mejburiy emgek küchlirini ishletken shirketler we ularning mehsulatlirini chekleshtiki mes'uliyetlirini tonushigha türtke bolidiken.

Yawropa ittipaqining mejburiy emgek mehsulatlirini cheklesh qanunida Uyghur mejburiy emgiki alahide tilgha élinmighan bolsimu, shundaqla bu qanun amérikining “Uyghur mejburiy emgikining aldini élish qanuni” dek küchlük qaratmiliqqa ige dep qaralmisimu, biraq bu qanunning yenila Uyghur mejburiy emgiki mehsulatlirini chekleshte muhim rol oynaydighanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.