Yawropa ittipaqi döletliri rehberliri xitayni öz kozurini ishqa sélip putinning jinayitini toxtitishqa chaqirghan

Muxbirimiz jewlan
2022.03.25
Share on WhatsApp
Share on WhatsApp

Yawropa ittipaqi rehberliri béryussélda toplinip, rusiyege yéngi imbargo qoyushni muzakirilishiwatqanda xitaygha ortaq bir signal bergen, yeni xitayni öz kozurini ishqa sélip putinning jinayitini toxtitishqa chaqirghan.

CNBC Torining bergen xewiride éytilishiche, italiye bash ministiri mariyo dragi (Mario Draghi) mundaq dégen: “Xitay nahayiti muhim dölet, ular tinchliqni ilgiri sürüsh jehette hel qilghuch rol oynaydu, tesir küchi zor, shunga biz uning otturigha chiqishini kütüwatimiz”.

Latwiye bash minsitiri arturs karinis (Arturs Karins) mundaq dégen: “Xitayning bir tallishi bar, bu nahayiti addiy tallash: sen teqdiringni rusiyege-ukra'inagha urush qozghighan, ayallar, balilar we doxturxanilarni partilitiwatqan bir döletke baghlaysen yaki yawropa ittipaqi bilen hemkarlishish arqliq amérika we gherbtiki démokratik döletlerge baghlaysen”.

Uningdin bashqa, finlandiye bash ministiri sanna marin (Sanna Marin) xitayning bu urushta rusiyening asasliq shériki ikenlikini éytqan hemde yawropa ittipaqini xitayning bu urushta tarixning toghra teripide turushigha kapaletlik qilishi kéreklikini bildürgen.

Xitay mushu waqitqiche rusiyening ukra'inagha hujum qilishini tajawuzchiliq urushi dep étirap qilmay kelgen bolup, gunahning hemmisini “Natoning sherqqe kéngeymichilik qilishi” gha artip qoyghan. Xitay yene rusiyege iqtisad we herbiy jehettin yardem qilmaqchi bolghan. Emma xitay bilen rusiye hökümiti buni inkar qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet