Yawropa ittipaqi özbékistan'gha 21 milyard yawro béridiken

Yawropa ittipaqi özbékistanning yéza igiliki sahesi tetqiqati,jümlidin déhqanlarning munasiwetlik téxnologiye, uchur we yéza igilik mehsulatliri baziri bilen bolghan alaqilirini kücheytish hem bashqa tereplerge yardem körsitish üchün 21 milyard 500 milyon yawro bérishni qarar qilghan.

Perghane uchur torining xewer qilishiche, yawropa ittipaqi wekilliri özlirining özbékistan ziyariti jeryanida, 28-aprél küni buni uqturghan. Melum bolushiche, özbékistanni 27 yil idare qilghan prézidént islam kerimofning ölümidin kéyin hakimiyetni igiligen prézidént shawket mirziyayéw qoshna qazaqistan, qirghizistan, rusiye qatarliq döletler bilen bolghan diplomatiyelik we iqtisadiy alaqilerni kücheytishke kirishken. Shuningdek yene özbékistanning gherb bilen bolghan munasiwetlirini kücheytish qedemliriningmu bésiwatqanliqi bildürülmekte. Yawropa ittipaqining bu qétim özbékistan'gha béridighan 21 milyard yawro yardimi özbékistan yillardin buyan gherb elliridin érishken eng zor iqtisadiy yardem hésablinidiken.

Yawropa ittipaq wekilliri bu qétimqi özbékistan ziyaritide yene hökümetke tewe emes teshkilatlar bilenmu uchriship, iqtisadiy we siyasiy islahat mesililiri heqqide muzakire élip barghan.

Melumki, islam kerimof dewride özbékistan xelq'araliq teshkilatlar we gherb metbu'at organlirining pa'aliyetliridin xali qaldurulghan idi.