Yehudiy ölimaliri amérika dölet mejlisini Uyghurlar mesiliside heriket qollinishqa chaqirghan

Muxbirimiz jewlan
2021-03-03
Share

"Érusalim pochtisi" ning 3-mart xewer qilishiche, her xil mezheptiki rabilar (yehudiy ölimaliri) amérika dölet mejlisini Uyghurlar mesiliside heriket qollinishqa chaqirghan. 16 Rabi imza qoyghan birleshme mektub aldinqi hepte awam palata ezasi téd lyugha sunulghan. Téd lyu (Ted Lieu) los anzhélis rayonidiki xelq saylap chiqqan wekil bolup, bu rayonda yehudiy jama'iti köp olturaqlashqan iken.

Rabilar sun'ghan bu mektubta Uyghur rayonidiki lagérlarni taqash we Uyghurlarni mejburiy ishlitip ishlepchiqarghan xitay mallirini amérikagha kirgüzmeslik qatarliq mezmunlar bar iken. Mektubta mundaq déyilgen: "Silerning Uyghurlar toghruluq tüzülgen qanunni qollishinglar uzun muddet zulumgha uchrap kelgen bu xelqning téximu éghir zorawanliqqa uchrishining aldini élishta hel qilghuch rol oynaydu". Rabilar yene téd lyuni "Yehudiylar dunyasini közitish teshkilati" bilen hemkarliq ornitishqa chaqirghan bolup, mezkur teshkilat irqiy qirghinchiliqqa qarshi turush herikitide aktip rol oynap kelgen hemde Uyghurlar üchün pa'aliyet qilghan iken.

Xewerde körsitilishche, yehudiy pa'aliyetchilirining, bolupmu en'giliyediki yehudiylarning Uyghurlar üchün awaz chiqirishi, aldinqi esirdiki irqiy qirghinchiliqni bashtin kechürgen yehudiy shahitlarning Uyghurlar heqqide sözligen sözliri dunyaning her qaysi jayliridiki yehudiy jama'iti arisida diqqet qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet