Рабийә қадир ханим 2014-йил 28-июл “йәкән вәқәси” һәққидә баянат елан қилди

Мухбиримиз меһрибан
2016.07.26
Share on WhatsApp
Share on WhatsApp

Дуня уйғур қурултийи рәиси рабийә қадир ханим, 26-июл сәйшәнбә күни өз намида баянат берип, уйғурлар вә дуня җамаәтчиликини 2014-йил 28-июл күни йүз бәргән йәкән вәқәсини унтуп қалмаслиққа чақирди.

Рабийә қадир ханим баянатида, “2014-йили 7-айниң 28-күни йәкәнниң елишқу, хаңди йезилирида йүз бәргән уйғурларниң наразилиқ һәрикитиниң бастурулуш вәқәси қатарлиқ уйғурларниң хитай һөкүмитигә болған наразилиқ қаршилиқ һәрикәтлиридә һаятидин айрилғанларни хатириләш билән биргә шеһитлар аилисидин вә түрмидә йетиватқан уйғур сиясий мәһбуслири аилисидин сәмимий һал сорайдиғанлиқи” ни билдүрди.

Рабийә қадир баянатида йәнә, йеқинқи йилларда хитай һөкүмити тәрипидин қанлиқ бастурулған 2009-йилдики “5 -июл үрүмчи вәқәси”, 2014-йилдики “28-июл йәкән вәқәси” қатарлиқ вәқәләрни нәқил елип, бу вәқәләрни уйғурлар вә дуня җамаәтчиликиниң унтуп қалмаслиқини, ғәрб демократик дөләт һөкүмәтлири вә кишилик һоқуқ тәшкилатлириниң уйғурларниң диний әркинлики вә кишилик һоқуқ әркинликиниң хитай һөкүмити тәрипидин бастурулуватқан нөвәттики вәзийитигә җиддий диққәт қилишини оттуриға қойған.

Хәвәр мәнбәлиридә көрситилишичә, 2014-йили роза һейт һарписида қәшқәрниң йәкән наһийисиниң елишқу, хаңди йезилирида бир қисим уйғурлар йәрлик һөкүмәт даирилириниң рамизан чәклимилиригә наразилиқ билдүрүп кочиға чиқип намайиш қилғинида, пуқралар билән йезилиқ һөкүмәт хадимлири вә сақчилар оттурисида тоқунуш йүз берип, уйғур пуқралири қораллиқ сақчи вә әскәрләр тәрипидин бастурулған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт