Анализчилар хитайниң "йеңи йипәк йоли" истратегийәси америкиниң деңиз трансипортиға риқабәт елан қилди дәп қаримақта

Мухбиримиз қутлан
2015-01-05
Share

Анализчилар хитай һөкүмити йолға қойған "йеңи йипәк йоли" истратегийәси явро-асия чоң қуруқлуқиниң мусаписини зор дәриҗидә қисқартип, америка башчилиқидики ғәрб дунясиниң деңиз транспортиға риқабәт елан қилди, дәп қаримақта.

Йеқинда бирләшмә агентлиқниң тор бети - " салон" да мәхсус мақалә елан қилинип, хитайниң "йеңи йипәк йоли;" пилани әмәлийәттә америка башчилиқидики ғәрб дуняси шәкилләндүргән деңиз транспорти үстүнлүкигә хирис елип кәлди, дейилгән.

Мәлумки, 18-ноябир күни шаңхәйдин 300 километир җәнубтики йиву шәһиридин испанийәниң мадрид шәһиригә йетип баридиған оқ беши шәкиллик транспорт пойизи йолға чиққан. Тунҗи қетим ечилған бу пойиз линийиси җәмий 13 миң километир болуп 8 дөләтни кесип өтидикән вә 21 күндә ахирқи мусапигә йетип баридикән. У илгирики дуняда әң узун төмүрйол линийиси дәп қаралған русийәниң сибирийә-йирақ шәрқ төмүрйолидин аз кәм бир һәссә узун икән.

Хитай маллирини қачилап явро-асия қуруқлуқидики дөләтләргә баридиған вә у йәрдин өзигә җиддий еһтияҗлиқ хам материялларни елип қайтидиған бу пойиз линийисиниң кәлгүсидә 21 күндин 2 күнгә қисқириш мумкинчилики тәсәввур қилинмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт