Хитай өлкилиридә йәр һоқуқи бекитилди, әмма уйғур елида деһқанларниң йәрлири давамлиқ тартивелинмақта

Мухбиримиз қутлан
2014.04.07

“җуңго уйғурчә радио тори” ниң 7-апрел күни бейҗиңдин хәвәр қилишичә, хитайниң өлкилиридә һөддигә берилгән йәрләргә кимлик беҗирилип, йәрләр җанлиқ мүлүккә айланмақта икән.

Хәвәрдә илгири сүрүлүшичә, хитай бойичә елип бериливатқан йеза йәрлирини һөддигә берип башқуруш һоқуқини бекитиш вә тизимға елиш синиқида хитай деһқанлириниң техиму көп нәпкә еришкәнлики тәшвиқ қилинған.

Хәвәрдә йәнә, әнхуй өлкиси билән хитайниң башқа бирқанчә өлкилиридә деһқанларниң өзлиригә һөддигә берилгән йәрлиригә җанлиқ мүлүк қатарида қизил ташлиқ кинишкиға еришкәнлики йезилған.

Мәлум болушичә, нөвәттә хитай йезилирида йәрни һөддигә берип башқуруш һоқуқини тизимлап гуваһнамә тарқитиш хизмити пүтүн мәмликәттики 100 нәччә наһийәдә синақ қилинмақтикән.

Көзәткүчиләр хитайниң ички өлкилиридә йолға қоюлған бу түзүмниң уйғур елидики йезилар билән рошән селиштурма һасил қилидиғанлиқини, йеқинқи йиллардин буян, уйғур деһқанлириниң арқа-арқидин өй-җай вә терилғу йәрлиридин айрилип қеливатқанлиқини тәкитлимәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.