Xitay ölkiliride yer hoquqi békitildi, emma Uyghur élida déhqanlarning yerliri dawamliq tartiwélinmaqta

“Junggo Uyghurche radi'o tori” ning 7-aprél küni béyjingdin xewer qilishiche, xitayning ölkiliride höddige bérilgen yerlerge kimlik béjirilip, yerler janliq mülükke aylanmaqta iken.

Xewerde ilgiri sürülüshiche, xitay boyiche élip bériliwatqan yéza yerlirini höddige bérip bashqurush hoquqini békitish we tizimgha élish siniqida xitay déhqanlirining téximu köp nepke érishkenliki teshwiq qilin'ghan.

Xewerde yene, enxuy ölkisi bilen xitayning bashqa birqanche ölkiliride déhqanlarning özlirige höddige bérilgen yerlirige janliq mülük qatarida qizil tashliq kinishkigha érishkenliki yézilghan.

Melum bolushiche, nöwette xitay yézilirida yerni höddige bérip bashqurush hoquqini tizimlap guwahname tarqitish xizmiti pütün memlikettiki 100 nechche nahiyede sinaq qilinmaqtiken.

Közetküchiler xitayning ichki ölkiliride yolgha qoyulghan bu tüzümning Uyghur élidiki yézilar bilen roshen sélishturma hasil qilidighanliqini, yéqinqi yillardin buyan, Uyghur déhqanlirining arqa-arqidin öy-jay we térilghu yerliridin ayrilip qéliwatqanliqini tekitlimekte.