Sichüen ölkisidiki yéridin ayrilghan déhqanlar bilen saqchilar arisida toqunush yüz berdi

Muxbirimiz méhriban
2016-03-22
Share

Radi'omiz igiligen ehwallardin melum bolushiche, 21-mart küni sichüenning chéngdu shehiri jénshin baziridiki töt kenttiki yéridin ayrilip qalghan mingdin artuq déhqan naraziliq namayishi qilghinida, ularni tarqitishqa kelgen saqchilar bilen toqunush yüz bergen.

Déhqanlarning radi'omizgha bildürüshiche, déhqanlar bazarliq hökümet teripidin igiliwélin'ghan yerlerge bérilgen tölem pulining azliqigha narazi bolup, hökümet da'iriliridin déhqanlargha jawab bérishni telep qilip, düshenbe küni etigen bazarliq hökümet binasi aldigha toplan'ghinida, da'iriler déhqanlarning so'allirigha jawab bérip mesilini hel qilishning ornigha saqchi aptomobilliri we saqchilarni chaqirip kélip, déhqanlarni mejburiy tarqitiwétishke urun'ghanliqi üchün, déhqanlar bilen saqchilar arisida toqunush yüz bérip, nurghun adem yarilan'ghan, déhqanlardin 4-5 kishi bashlamchiliq qilghan dégen jinayet artilip tutqun qilin'ghan.

Radi'omiz ziyaritini qobul qilghan bir déhqan shu künki ehwalni bayan qilip, "Biz peqet bérilgen tölem pulgha narazi bolghinimiz üchün bazarliq hökümettin toxtam boyiche ish qilishni telep qilduq, yighilish tinch élip bérilghan, yollarni tosuwélip qatnash qistangchiliqi peyda qilish ehwalimu körülmigen idi. Emma ular bizge jawab bérishning ornigha saqchilarni bashlap kélip bizni urghuzdi. Saqchixana bashliqi bashlamchi bolup adem urdi, arimizdin beziler tutqun qilindi" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet