Уйғурлар диярида күчлүк йәр тәвриди

Мухбиримиз әзиз
2017-08-09
Share

Ройтерс агентлиқиниң хәвиридин мәлум болушичә, шу йәр вақти 9-авғуст күни сәһәр саәт 7:27 да уйғурлар дияридики борталаға қарашлиқ җиң наһийиси әтрапида 6.6 Бал йәр тәвригән.

Һөкүмәт тәрәпниң мәлуматлирида ейтилишичә, йәр тәврәш районида аһалә шалаң болғачқа өлүм-йитим яки зиян-зәхмәт һадисилири көрүлмигән. Әмма бу қетимқи йәр тәврәшниң сичүәндики йәр тәврәш билән алақиси йоқ икән.

Радийомиз мухбирлириниң игилишидин мәлум болушичә, һазирға қәдәр миң нәччә еғиз өй өрүлүп чүшкән болуп, аз дегәндиму 34 киши яриланған. Булардин икки кишиниң яриси еғир икән. Фирансийә бирләшмә агентлиқиниң хәвиридә ейтилишичә, йәр тәврәш мәркизи җиң наһийисидә болуп, 11 километир чоңқурлуқта икән. Күчлүк йәр тәврәш 20 секунт әтрапида давам қилғандин кейин йәнә төт қетим қалдуқ йәр тәвригән.

Уйғурлар диярида илгири бирнәччә қетим қаттиқ йәр тәврәш көрүлгән болсиму, һөкүмәт тәрәп изчил һалда шәхсләрниң апәт райониға ианә топлишини мәни қилип кәлгән. Әмма, хитай өлкилиридә йәр тәвригәндә болса, мәҗбурлаш шәклидики ианә топлаш һәрикәтлири көп қетим тәшкилләнгәнлики мәлум.

Йәр тәврәш мәркизи болған җиң наһийиси қазақистан чеграсидин 100 километир йирақлиққа тоғра келидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт