Bortalada yer tewresh apitige uchrighan ahaliler bayraq chiqirish murasimigha teshkillen'gen

Bortalada yer tewresh apiti yüz bérip 6-küni yeni apettin qutquzush heriketliri axirlashmighan bir mezgilde, bortaladiki yerlik da'iriler, apet merkezlik halda yüz bergen toli bazirida bayraq chiqirish murasimi ötküzgen.

Xitay xewer torining bu heqtiki xewiride, murasimgha qatnashqan ahalilerning partiye we hökümetke minnetdarliq bildürgenliki yézilghan, emma tengritagh torining bügünki xewiride, Uyghur rayonining teyinlen'gen re'isi shöhret zakirning apet rayoni bolghan toligha hal sorash ziyaritige barghanliqi xewer qilin'ghan.

Xewerde apettin qutquzushning téxi dawam qiliwatqanliqi, öyi örülüp chédirda yétiwatqan kishilerning téxiche mewjutluqi ashkarilan'ghan. Xewerdin melum bolushiche, yémek‏-ichmek we turalghu mesilisi jiddiy hel qilinishi kérek bolghan mezkur ahalilerge shöhret zakir yene muqimliq heqqide chaqiriq qilghan.

Muhajirettiki Uyghur közetküchiler, chédirda yétiwatqan we eslidiki öyliri xaniweyran bolghan kishilerning bayraq chiqirish murasimigha qatnashturulushini, xitay da'irilirining herqandaq weziyette öz hakimiyitini puqralar menpe'etidin üstün qoyidighanliqining yene bir ipadisi déyishmekte.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar