Kommunist xitayning hazirgha qeder 11 neper chet'ellik shexs üchün tyen'enméndiki bayriqini yérim chüshürüp teziye bildürgenliki melum

Muxbirimiz qutlan
2017-01-01
Share

Xitay kompartiyesi 1949-yili hakimiyet béshigha chiqqandin buyan jem'iy 11 neper chet'ellik dölet rehbirining ölümi seweblik tyen'enméndiki dölet bayriqini yérim chüshürüp teziye bildürgenliki melum.

Bu 11 neper dölet rehberlirining köpinchisi sabiq sowét ittipaqi, monggholiye, chéxislowakiye, ruminiye, yugoslawiye, shimaliy koriye qatarliq döletlerning sabiq kompartiye rehberliri iken.

Nur torining bu heqtiki xewiride körsitilishiche, kommunist xitay hökümiti tunji bolup tyen'enméndiki bayriqini yérim chüshürüp teziye bildürgen chet'ellik shexs-yoséf stalin iken. Stalin 1953-yili 3-ayning 5-küni wapat bolghandin kéyin xitay hökümiti 3-ayning 6-künidin 9-künigiche jem'iy üch kün tyen'enmén meydanidiki bayriqini yérim chüshürüp teziye bildürgen iken.

Shu yili xitay hökümiti yene chéxslowakiyening aliy rehbiri gottiwald we monggholiye xelq jumhuriyitining rehberliridin bomitsénd qatarliq ikki shexsning ölümi üchün tyen'enmén meydanidiki bayriqini bir kündin yérim chüshürgen.

Shuningdin kéyin xitay hökümiti yene sabiq ruminiye sotsiyalistik jumhuriyitining aliy rehbiri gruza, sabiq bulghariye xelq jumhuriyitining aliy rehbiri damiyanof, sabiq kon'go jumhuriyitining aliy rehbiri lomumba, sabiq wéytnam démokratik jumhuriyitining aliy rehbiri xuchimin, fransiye jumhuriyitining prézidénti dégol, sabiq yuguslawiye fératsiyesining aliy rehbiri tito, shimaliy koriye emgek partiyesining aliy rehbiri kim érsén we kambojiya padishahliqining padishasi sixanuk qatarliq shexslerning ölümi üchün tyen'enmén meydanidiki bayriqini yérim chüshürüp teziye bildürgen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet