Уйғур аптоном районидики "йеза аһалилириниң киши бешиға тоғра келидиған кирими түмән йвәнлик өткәлдин өтти", дегән хәвәр гуман қозғимақта

Мухбиримиз қутлан
2017-02-18
Share

Игилинишичә, уйғур аптоном районлуқ даириләр 16-феврал күни йеза хизмити йиғини ечип, өткән йили райондики йеза аһалилириниң киши бешиға тоғра келидиған кириминиң түмән йвәнлик өткәлдин бесип өткәнликини елан қилған.

Шинхва ториниң бу һәқтики хәвиридә, уйғур аптоном районидики йеза аһалилириниң киши бешиға тоғра келидиған кириминиң өткән йили 8% ешип, түмән йвәнлик өткәлдин бесип өткәнлики "тарихий характерлиқ зор бөсүш", дәп көрситилгән.

Һалбуки, көзәткүчиләр, хитай һөкүмәт таратқулири бәс-бәстә давраң селиватқан бу аталмиш "түмән йвәнлик кирим өткили" гә гуман билән қаримақта.

Радийомизниң уйғур елиниң җәнубий вилайәтлиридики йеза-кәнтләрдин игилигән учурлириға қариғанда, йәрлик уйғур деһқанлириниң иқтисадий кирими йәнила төвән болуп, хотән вилайитидин нәччә он миңлиған уйғур деһқанлириниң ақсудики биңтвәнниң кевәзликлиридә йил бойи яллинип ишләйдиғанлиқи мәлум болмақта. Шуңа көзәткүчиләр, "түмән йвәнлик кирим" райондики хитай деһқанлириға нисбәтән раст болсиму, әмма җәнубтики уйғур деһқанлириға нисбәтән әмәлий сан болуши гуманлиқ, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт