Юлтуз османова 11 йиллиқ чәклимидин кейин өзбекистанда консерт қоюш имканийитигә еришти

Мухбиримиз үмидвар
2017-02-05
Share

Азадлиқ радиосиниң хәвәр қилишичә, юлтуз османова көп йиллиқ чәклимидин кейин тунҗи қетим ташкәнтики “истиқлал” сарийида 11-23-април күнлири өз консертини қойидиғанлиқини елан қилған һәмдә униң консертиниң беләт баһаси 35 долларғичә йәткән болуп, беләтләр тез сетилишқа башлиған.

Өзбекистан заманиви нахшичилиқиниң пешивалиридин һесабланған нахша чолпини юлтуз османова президент ислам кәримоф һаят вақтида көп йиллар өзбекистан территорийисидә консерт қоюштин ғәйри рәсмий рәвиштә чәкләнгән иди. У, өзбекистанни тәрк етип, һаятини түркийәдә өткүзүш билән биргә түркийә, русийә, америка вә өзбекстанниң сиртидики башқа сабиқ совет оттура асия җумһурйәтлиридә өз консертлирини қоюп кәлгән иди.

Өзбекистан даирилири юлтуз османованиң өзбекистанда консерт көрситишигә 11 йил йол қоймиған болуп, һәтта у телевизор екранлиридиму көрүнмигән икән.

Президент ислам кәримоф вапат болғандин кейин, юлтуз османова 12-айда ташкәнткә кәлгән вә башқилар билән биргә сәһнидә нахша орундиған иди.

Юлтуз османованиң тәрҗимһалиға аит учурларда униң дада җәмәтиниң әсли қәшқәрдин көчүп кәлгән уйғурлардин икәнликигә аит мәлуматларму бар. Униң нахшилири өзбекләр арисидила әмәс, бәлки уйғур дияридиму мәшһур болуп, у үрүмчигә берип, өз нахшилирини орундиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт