Yünnendiki "Meschit weqesi" de nechche onlighan tungganlar tutqun qilin'ghan

Muxbirimiz eziz
2019-01-01
Élxet
Pikir
Share
Print

Uyghurlar diyaridiki siyasiy basturushta diniy étiqadning asasiy hujum nishani bolup kelgenliki melum. Yéqinda bu xil basturush usulining xitayning yünnen ölkisidiki tungganlargha tedbiqliniwatqanliqi zor diqqet qozghashqa bashlidi.

Radiyomiz xitay bölümining 31-dékabirdiki xewiride éytilishiche, yünnenning wéyshen nahiyisidiki üch meschit shenbe küni birla waqitta xelq azadliq armiyisi we qoralliq saqchi qisimlirining qorshap hujum qilishigha uchrighan. Buningda "Qanunsiz qurulush qilin'ghan shundaqla meschitlerde qanunsiz diniy pa'aliyet ötküzülgen" dégen bahane bilen saqchilar meschitlerni chéqip tashlimaqchi bolghanda jama'et topliship qattiq qarshiliq körsetken.

Radiyomiz muxbirlirining ziyaritini qobul qilghan shu jaydiki kishilerdin biri bu heqte melumat bérip "Saqchilar kishilerni meschittin qoghlimaqchi bolghanda kishiler qolmu-qol gireliship sep tüzginiche saqchilarni ötküzmidi. Shuning bilen saqchilar ularni bir-birlep yiqitip baghlap mangdi" dégen. Shuningdek bu jeryanda nechche onlighan kishini tutqun qilghanliqini bildürgen.

Yekshenbe kechqurun bu qétimqi "Meschit weqesi" jeryanida tutqun qilin'ghanlarning qoyup bérilgenliki, emma alte kishining tutup turush ornigha élip kétilgenliki, yene shu qétimqi toqunushta yaridar bolghan yerlik tungganlardin birnechcheylenning doxturxanida dawaliniwatqanliqi melum bolghan.

Yerlik tungganlardin radiyomiz muxbirlirining ziyaritini qobul qilghanlar bu heqte söz qilip "Hazir qizil térrorluqning özi boluwatidu. Bizning héchqandaq söz erkinlikimiz yoq" dégen. Amérikidiki tunggan ziyaliyliridin sulayman yigu bu heqte pikir qilip "Bu meschitlerning hemmisige qizil bayraq ésilghan, meschitning tamlirighimu kompartiyening teshwiqat taxtiliri ornitilghan. Shundaq bolsimu yenila mushundaq teqdirdin xalas bolalmighan" dégen.

Toluq bet