Уйғур аптоном районлуқ һөкүмәт американи "заманиви қуллуқ" билән әйиблигән

Мухбиримиз нуриман
2021-10-25
Share

Уйғур аптоном районлуқ һөкүмәт алдинқи һәптә "шинҗаңға мунасивәтлик мәсилиләр" һәққидә йәнә бир қетимлиқ ахбарат елан қилиш йиғини ачқан. Уйғур аптонум районлуқ һөкүмәтниң баянатчиси шү гүйшяң мәзкур йиғинда америкаға һуҗум қилип, уни "заманиви қуллуқ" билән әйиблигән.

Хәлқарада хитай һакимийитиниң уйғурларни кәң көләмдә лагерларға солап, уларни сиситемилиқ һалда мәҗбурий әмгәккә селиватқанлиқи һәққидики әйбләшләр юқири пәллигә чиқиватқан бир мәзгилдә, уйғур аптонум районлуқ һөкүмәтниң американи "заманивий қуллуқ" билән әйблиши көзәткүчиләрнң күчлүк диққитини қозғиған.

Шү гүйшяң мәзкур йиғинда йәнә мундақ дегән: "американиң ‹шинҗаңда кәң көләмлик мәҗбури әмгәк мәвҗут' дейиши, шинҗаңдики һәр милләт хәлқиниң әмгәк шараитиға мас кәлмәйду. Бу ғәрбтики бир қисим дөләт органлири ойдуруп чиқарған ‹ялғанчилиқ' тур."

Австралийә истиратегийилик сиясәт тәтқиқат мәркизи өткән йили 3-айда бир доклат елан қилған болуп, мәзкур доклатта хитайда уйғурларни қул ишчи қилип ишлитиш мәсилисигә четилидиған 82 даңлиқ марканиң тизимлики көрситилгән. Доклатта йәнә 80 миң уйғур әмгәк күчиниң хитайниң һәр қайси өлкилиридики 30 завутта мәҗбурий ишлитиливатқанлиқи тилға елинған иди.

Америка ана вәтән хәвпсизлики министирлиқиниң баянатиға қариғанда, америка таможна вә чегра қоғдаш идариси 2021-йили хитайниң мәҗбури әмгәккә чиетишлиқ икәнлики енқланған мәһсулатларға қарита чиқарған тутуп қелиш буйруқи алтә қетимға йәткән. Мәзкур министирлиқ бу йил 24-июн күни "шинҗаңдики мәҗбурий әмгәк арқилиқ ишләпчиқирилған киримнейлиқ мәһсулатларни тутуп қилиш буйруқи" ни елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт