Ürümchi 1-awghust polat tömür shirkiti qarmiqidiki bir zawutta partlash yüz bérip alte adem öldi

Muxbirimiz méhriban
2013-11-12
Share

Xitayning hökümet menbeliride partlashning, 1-awghust polat-tömür cheklik mes'uliyet shirkitining ürümchi shehiri merhaba shimaliy 1-yolidiki tarmaq zawutining 1-séxida 11-noyabir kéche sa'et 11 din 30 minut ötkende ammoniy suyuqluqining partlishi sewebidin yüz bergenliki, neq meydanda 5 adem ölüp, 7 adem éghir yarilan'ghanliqi, éghir yarilan'ghuchi bireylenning doxturxanigha apirish yolida jan ölgenliki xewer qilindi.

Ürümchide 11-noyabir kéchide yüz bergen partlash yéqinqi ikki hepte ichide xitayda yüz bergen partlashlar ichide adam ölüsh weqesi körülgen yene bir qétimliq chong partlash.

Xitay da'iriliri 28-öktebir béyjingda yüz bergen 3 adem ölüp, 38 adem yarilan'ghan aptomobil bilen tyen'enmén'ge hujum qilish partlash weqesini "Térrorluq weqesi" dep békitip, weqedin kéyin béyjing qatarliq xitay ölke, sheherliridiki Uyghurlarni tutqun qilghan.

Emma 2-noyabir senshi ölkisining teyyüen shehiridiki ölkilik hökümet derwazisi qatarliq jaylarda yüz bergen 8 qétimliq zenjirsiman partlashni keltürüp chiqarghuchining türmidin qoyup bérilgen bir xitay puqrasi ikenlikinila élan qilip weqening xaraktérini békitmigen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.