Jang chünshen aqsu wilayitide tekshürüsh xizmitide boldi

Téxi yéqinda Uyghur élining jenubidiki qeshqer wilayitining yeken nahiyisidiki ötken yili qanliq weqe yüz bergen élishqu qatarliq yézilarda ziyaret we ehwal igilesh sepiride bolghan Uyghur aptonom rayoni partkom sékrétari jang chüshen 22 - 23 - awghust künliri aqsu wilayiti teweside tekshürüsh élip bardi.

Xitay hökümet xewer menbelirining ashkarilishiche, jang chünshen aldinqi yillardin buyan izchil qarshiliq weqeliri yüz bérip turghan muqimsiz nahiyiler dep qariliwatqan kuchar, uchturpan, toqsu, awat we bashqa jaylarning partiye - memuriy rehbiri kadirliri bilen mexsus uchrishish ötküzüp, ulardin ehwal igiligen.

Ashkarilishiche, jang chünshen yene mezkur wilayetning jama'et xewpsizliki we siyasiy qanun sahesidiki bashliqliri bilen mexsus söhbet ötküzüp, nöwettiki muqimliq we jem'iyet mesililirini muhakime qilghan bolup, tengri tagh tori jang chünshenning siyasiy qanun we jama'et xewpsizlik sahesi bashliqliri bile ötküzgen söhbitining 22 - chisla kéchidin bashlinip etisi tang sehergiche, uzun waqit dawamlashqanliqini qeyt qilghan.

Melum bolushiche, u bu sepiride aqsu wilayitining muqimliq ishlirini kücheytishni alahide tekitligen bolup, aqsu wilayiti jama'et xewpsizliki da'irliridin9idin “Merkez we aptonom rayonining zor murasim pa'aliyetliri jeryanidiki jem'iyetning omumiy yüzlük muqimliqini kapaletke ige qilishni telep qilghan.

Melumki, 3 - séntebir küni béyjingda yapon'gha qarshi urushning 70 yilliqini xatirilesh herbiy parat pa'aliyetliri ötküzülidu, bu yil 10 - ayda Uyghur aptonom rayoni qorulghanliqining 60 yilliqi xatirilinidu. Béyjingning bu mezgillerdiki muqimliq we amanliq tedbirlirini kücheytishke zor derijide ehmiyet bermekte iken.