Jang chünshyen xitay ishchilarni Uyghur élige köplep kélishke chaqiridi

Muxbirimiz jüme
2014-08-23
Share


Xitay da'iriliri memliketlik ishchilar uyushmisining ikkinchi nöwetlik atalmish "Shinjanggha yardem bérishi yéghini" ni chaqirip, mezkur sahening yardemlirini mu'eyyenleshtürgen bolsimu, emma yighinda yene bir nuqtini tekitleshni yoshurup qalalmighan.

U bolsimu, xitay ölkiliridiki ishchilarni Uyghur élige kélip igilik tikleshke teshkillesh chaqiriqidin ibaret.

Yighin 21 - awghust ürümchide échilghan bolup, yuqiriqi sözlerni Uyghur aptonom rayoni partkomining bash sékrétari jang chünshyen otturigha qoyghan.

U sözide her millet ishchiliri arisidiki ittipaqliqni ilgiri sürüsh, Uyghur rayondiki ishchilarni ichkiri ölkilerge bérip öginish we xizmet qilishqa teshkillik yéteklesh dégendek kona geplerni bazargha salghan bolsimu, axirida asasliq qilip mundaq dégen: ichkiri ölkilerdiki téximu köp ishchi - xizmetchilerni shinjanggha kélip xizmet tépish we igilik tikleshke teshkillesh kérek.

Yighinda yene xitay memliketlik ishchilar uyushmisi partkomining sékrétari chéng xu'a söz qilghan.

"Tengritagh" torida bu heqte bérilgen xewerge qarighanda, yighinda nur bekrige sözlesh pursiti bérilmigen.

Xitay da'iriliri 2009 - yildiki ürümchi namayishidin kéyin atalmish "Shinjang xizmet yighini" ni chaqirip, xitayning 19 ölkisini shinjanggha yardem bérish qurulushigha teklip qilghan.

Shundin kéyin Uyghur élide mejburiy yer igilesh, baghwaranlarni weyran qilip ornigha atalmish sana'et rayonlirini berpa qilish qurulushi kölemlishishke bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet