Ju xeylun xotende asasiy qatlam kadirlirini agahlandurghan

Muxbirimiz jüme
2017-05-21
Élxet
Pikir
Share
Print

Xotende asasiy qatlam kadirlirigha qaritilghan nazaret we jazalash kücheytilgen bir mezgilde xoten'ge barghan Uyghur aptonom rayonluq partkomning mu'awin sékrétari ju xeylun, mezkur wilayetke chüshüp xizmet qiliwatqan kadirlar we asasiy qatlam kadirlirini hoshini yighish heqqide agahlandurghan.

19-May sina torining ürümchi sheherlik hökümet toridin köchürüp xewer qilishiche, charshenbe küni ju xeylun töwen'ge chüshken xizmet etritini "Kallisining segeklikini saqlap, töwende turup xizmet qilishning bash nishanni emelge ashurushning muhim tügüni ikenlikini tonup yétish" heqqide agahlandurghan.

U, mezkur kadirlar topini yene yerliktiki birinchi qol sékrétarning rehberlikige boysunup, her küni öymu'öy tekshürüp ehwal igilesh xizmitige toluq qatnishishqa, weziyetni tekshürüp tetqiq qilishqa, yerliktiki muqimliqqa tesir körsitidighan mesililerni tiriship hel qilishqa buyrughan.

Xoten atalmish "Ikki yüzlimichi" kadirlargha zerbe bérish herikiti eng qattiq élip bériliwatqan rayonlarning biri.

Da'iriler bu hepte béshida yene 221 neper töwen'ge chüshken kadirning mes'uliyitini sürüshte qilghan. Bularning arisida aptonom rayon derijilik, wilayet derijilik organlardin xoten'ge töwen'ge chüshüp ishlesh üchün ewetilgen kadirlarmu bar idi.

Xoten da'iriliri charshenbe küni yene atalmish "Ikki yüzlimichi" kadirlarni tekshüridighan alahide guruppa teshkillep, asasi qatlamgha yollighan.

Xewerde bularning yézilardiki "Ikki yüzlimilik" ehwallirini tekshüridighanliqi körsitilgen idi.

Toluq bet