Зимистан тори: "хитай, натсистлар германийәсигә охшаш ирқий қирғинчилиқ қилғучидур"

Мухбиримиз әркин
2021-03-15
Share

Италийәлик журналист, "хәлқара аилә хәвәрлири" журнилиниң баш муһәррири, "зимистан" журнилиниң мәсули марко респенти 15-март мақалә елан қилип, хитайниң "натсистлар германийәсигә охшаш ирқий қирғинчилиқ қилғучи" икәнликини илгири сүргән. Марко респинти мақалисидә америкадики "нюлайнез истратегийә вә сиясәт институти" ниң "уйғур ирқий қирғинчилиқи: хитайниң 1948-йилдики ирқий қирғинчилиқ әһдинамисигә хилаплиқ қилишини тәкшүрүш" мавзулуқ доклатини анализ қилған.

Марко респинтиниң тәкитлишичә, "зимистан" журнили тарқилишқа башлиған 2018-йилдин буян хитайниң шинҗаң яки шәрқий түркистандики уйғур вә башқа мусулманларға йүргүзгән "ирқий қирғинчилиқи" ға аит дәлилләрни топлашта интайин еһтиятчан болуп кәлгәнлики, чүнки "ирқий қирғинчилиқ" ниң ундақ йеник ишлитидиған сөз әмәсликини билдүрүп, "нюлайнез истратегийә вә сиясәт институти" ниң ахири бу хуласини чиқарғанлиқи, әмәлийәттә мустәқил тәтқиқатчиларниң ши җинпиң башчилиқидики хитай компартийәси "террорлуққа қарши хәлқ уруши қозғап", уйғурларни "бир өсмә сүпити" дә йоқитишқа киришкәндин бери буни аңлитип кәлгәнликини тәкитлигән.

Марку респенти мақалисиниң ахирида, хитайниң һәрикитиниң "барлиқ қануни өлчәм вә инсанларниң тонушида бир ирқий қирғинчилиқ" икәнлики, бирақ "хитай дуняниң турғузған бу қануний өлчәмлиригә давамлиқ хилаплиқ қиламду, хитай натсистлар германийәсидин пәрқлиқ боламду, хитай һакимийити демократик дөләтләрниң шерики болаламду?" дегән соалларни қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт