Almatada ziya semidige a'it yéngi kitab neshir qilindi

Muxbirimiz ümidwar
2016-07-10
Share

Yéqinda qazaqistandiki “Mir” neshiriyati Uyghur hazirqi zaman edebiyatining yirik namayenidiliridin biri, meshhur tarixi roman yazghuchisi we 20 - esir Uyghur siyasiy tarixi shahidlirining biri süpitide Uyghurlar teripidin yuqiri bahalan'ghan merhum ziya semidining hayat pa'aliyetlirige béghishlan'ghan “Mezkur weqelerning tirik guwahchisi” mawzuluq bir kitabni neshir qildi.

Bu kitabning aptori ziya semidining qizi béliqiz semidi bolup, u öz atisigha a'it köpligen xatirilerni we süretlerni toplighan iken.

Uyghur awazi gézitining xewer qilishiche, mezkur kitabqa ziya semidining kündilik xatirisidiki hazirghiche héchqandaq metbu'atlarda téxiche élan qilinmighan bir qisim xatiriliri we yazghuchining zamandashlirining ziya semidi heqqide her xil yilliri yazghan maqaliliri we edib bilen ötküzülgen söhbet xatiriliri, shé'irlar hem uning perzentlirining eslimiliri kirgüzülgen.

Ziya semidining “Yillar siri”, “Mayimxan”, “Exmet ependi” qatarliq tarixi romanliridin bashqa yene “Istek we qismet” mawzuluq eslimisimu élan qilin'ghan idi.

Ziya semedi 1914 - yili tughulup 2000 - yili, almatada wapat bolghan. U 1944 - 1949 - yillardiki milliy azadliq inqilab qanashquchisi we milliy armiye polkowniki bolghan, u, 1950 - yillarda - Uyghur aptonom rayoni medeniyet naziri, edebiyat - sen'etchiler birleshmisi re'isi bolghan we 1958 - yili “Yerlik milletchi” lik bilen eyiblinip jazalan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet