Язғучи зордун сабирниң «ана юрт» романи бейҗиңда өткүзүливатқан «аз санлиқ миллләрләр мунәввәр әсәрлири» көргәзмисидин орун алған

Мухбиримиз қутлан
2017-01-28
Елхәт
Пикир
Share
Принт


Йеқинда хитай пайтәхти бейҗиңда «йеңи җуңго аз санлиқ милләтләр мунәввәр әдәбий әсәрлири көргәзмиси» өткүзиливатқанлиқи мәлум.

Хәлқ ториниң бу һәқтики хәвиригә қариғанда, мәзкур көргәзмигә қоюлған хитайдики аз санлиқ милләтләр тил-йезиқлирида нәшир қилинған әдәбий әсәрләр ичидә уйғур язғучилириниң әсәрлириму орун алған икән.

Көргәзмигә қоюлған уйғурчә мунәввәр әдәбий әсәрләр ичидә мәрһум язғучи зордун сабирниң «ана юрт» романиниң йеңи нәшри алаһидә диққәт қозғимақтикән.

1940-Йиллардики или инқилаби вә униң нәтиҗисидә қурулған шәрқий түркистан җумһурийити һәмдә мәзкур инқилабниң мурәккәп вә көп қирлиқ сиясий, иҗтимаий арқа көрүниши тәсвирләнгән 3 томлуқ мәзкур роман язғучи зордун сабирниң өз хәлқигә қалдурған қиммәтлик әдәбий мирасидур.

Мәзкур роман язғучи зордун сабирниң вапатидин бирқанчә ай кейинла уйғур елидики интайин қийин сиясий атмосферада нәшир қилинған болуп, 1940-йиллардики миллий инқилабқа беғишланған зор һәҗимлик тарихий роман болуп қалған.

Әдәбиятшунаслар, «ана юрт» романиниң мәрһум өткүр әпәндиниң 1980-йилларда йоруқ көргән «из» вә «ойғанған земин» қатарлиқ тарихий романлиридин кейин уйғур диярида әң көп тиражда нәшир қилинған әсәр болуп қалғанлиқини илгири сүрмәктә.

Пикирләр (0)
Share
Толуқ бәт