Yazghuchi zordun sabirning "Ana yurt" romani béyjingda ötküzüliwatqan "Az sanliq milllerler munewwer eserliri" körgezmisidin orun alghan

Muxbirimiz qutlan
2017-01-28
Élxet
Pikir
Share
Print


Yéqinda xitay paytexti béyjingda "Yéngi junggo az sanliq milletler munewwer edebiy eserliri körgezmisi" ötküziliwatqanliqi melum.

Xelq torining bu heqtiki xewirige qarighanda, mezkur körgezmige qoyulghan xitaydiki az sanliq milletler til-yéziqlirida neshir qilin'ghan edebiy eserler ichide Uyghur yazghuchilirining eserlirimu orun alghan iken.

Körgezmige qoyulghan Uyghurche munewwer edebiy eserler ichide merhum yazghuchi zordun sabirning "Ana yurt" romanining yéngi neshri alahide diqqet qozghimaqtiken.

1940-Yillardiki ili inqilabi we uning netijiside qurulghan sherqiy türkistan jumhuriyiti hemde mezkur inqilabning murekkep we köp qirliq siyasiy, ijtima'iy arqa körünishi teswirlen'gen 3 tomluq mezkur roman yazghuchi zordun sabirning öz xelqige qaldurghan qimmetlik edebiy mirasidur.

Mezkur roman yazghuchi zordun sabirning wapatidin birqanche ay kéyinla Uyghur élidiki intayin qiyin siyasiy atmosférada neshir qilin'ghan bolup, 1940-yillardiki milliy inqilabqa béghishlan'ghan zor hejimlik tarixiy roman bolup qalghan.

Edebiyatshunaslar, "Ana yurt" romanining merhum ötkür ependining 1980-yillarda yoruq körgen "Iz" we "Oyghan'ghan zémin" qatarliq tarixiy romanliridin kéyin Uyghur diyarida eng köp tirazhda neshir qilin'ghan eser bolup qalghanliqini ilgiri sürmekte.

Toluq bet