Xitay hökümiti yene bir qétim zulhayat isma'ilning aghzidin özlirini aqlidi

Muxbirimiz eziz
2021-10-14
Share

Xelq'arada Uyghur diyaridiki mejburiy emgek we irqiy qirghinchiliq zor muhakime témisi boluwatqanda, xitay hökümiti Uyghurlardin chiqqan markisizimchi "Ziyali", shinjang uniwérsitétining mu'awin mudiri zulhayat sma'ilning aghzidin özlirining Uyghur diyaridiki siyasetlirini yene bir qétim aqlighan.

Xitay hökümitining bashqurishidiki "Jenubiy astane géziti" ning 13-öktebirdiki xewiride éytilishiche, gu'angju shehride échilghan "Térorluqqa we esebiylikke qarshi turush hemde kishilik hoquq kapaliti" témisidiki xelq'araliq yighinda zulhayat isma'il mexsus söz qilip: "Shinjangda xelq'ara emgek ölchimi toluq ijra qiliniwatidu, qanun-tüzümler eng zor derijide mukemmelliship, her millet xelqining erkin, barawer hemde izzet-hörmiti kapaletke ige qilin'ghan halda emgek bilen meshghul bolmaqta," dégen.

Xewerde buning delili üchün zulhayat isma'ilning qeshqerde "Éshinche emgek küchi" süpitide xitay ölkilirige bérip zawutta ishligen 36 neper ishchi bilen söhbette bolghanliqi, ashu ishchilarning bu xil ishqa orunlishishtin bekmu memnun ikenlikini bilgenliki éytilghan.

Halbuki, amérika hökümiti muzakire qiliwatqan "Uyghur mejburiy emgikini cheklesh qanuni" din melum bolushiche, Uyghur diyaridiki mejburiy emgek nöwette omumiyyüzlük hadisige ayliniwatqan bolup, "21-Esirdiki zamaniwi qulluq emgikining qaytidin otturigha chiqishi" dep qaralmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet