Архип
2010-07-28
Уйғур аптоном райониниң мәркизи үрүмчидики бир сот мәһкимиси өткән һәптә йепиқ сот ечип, диярим тор бетиниң баш бетиниң саһиби дилшат пәрһат вә башқа уйғур тор бәт башқурғучилирини сотлиған. Бүгүн дилшат пәрһатниң әнгилийидики акиси дилмурат пәрһат радийомиз мухбири миһрибанниң зияритини қобул қилип, иниси дилшат пәрһат билән биллә тор бәт башқурғучилиридин нурәли вә ниҗат қатарлиқларниң үстидинму сот ечилғанлиқини билдүрди.
2010-07-28
Хитай һөкүмити, уйғур илида намратлиқ мәсилисини һәл қилишни нөвәттики әң муһим хизмәтләрниң бири дәп қаримақта. Һәқиқәтән намратлиқ мәсилиси һәл қилинса, вәтән ичи вә сиртида болсун уйғурларниң һөкүмәткә болған наразилиқи бесиқамду?
2010-07-28
Пәйзиват наһийилик партком бирликсәп болуми вә миллий ишлар комитетиниң мәсчиттә вәтәнпәрвәрлик тимисида вәз - нәсиһәт мусабиқи өткүзгәнлик вәқәси чәтәлдики уйғур җамаити арисида күчлүк инкас қозғиди. Түнүгүн дуня уйғур қурултийиниң баянатчиси дилшат ришит, хитай һөкүмитини уйғур миллитиниң диний етиқад принсиплириға һуҗум қилишни тохтитишқа чақирған иди.
2010-07-28
Сәһнидә, екранларда " меһрибан ана " образини тәбиий, вайиға йәткүзүп яритип, уйғурларниң көңүл сәһнисидиму мәңгүлүк ана болуп орнап кәткән, һөрмәткә сазавәр, талантлиқ актйор, даңлиқ сәнәткар зунунқиз елахун 2010 йили 28 - июл кесәл сәвәби билән, 74 йешида үрүмчидә вапат болди.
2010-07-28
1903 - Йили ташкәнт шәһиридә нәшир қилинған русийә армийисиниң под полковники корниловниң " қәшқәрийә яки шәрқий түркистан" мавзулуқ тәкшүрүш доклати муһим тарихий мәнбәлик әһмийәткә игә.
2010-07-28
Тәңритағ ториниң 7 - айниң 27 - күни шинхуа агентлиқи хәвиридин нәқил елип көрситишичә, хитай мәркизий комитет ишханиси вә дөләт кабенти ишханиси йеқинда "җөриси, пәрзәнтлири чәтәлгә көчүп кәткән дөләт хизмәтчилирини башқурушни күчәйтиш тоғрисидики вақитлиқ бәлгилимә"ни тарқатқан һәм уқтуруш чиқирип, җайлар, тармақлардин әстайидил изчиллаштурушни тәләп қилған.
2010-07-28
Хитайниң шинҗаң хәвәр тори бүгүн, хитай һөкүмитиниң ғулҗа шәһиридә елип баридиған кона шәһәрни өзгәртип қуруш пиланини елан қилди. Униңда ейтилишичә, хитай бу пиланини аз санлиқ милләтләрниң туралғу муһитини яхшилаш, асарә - әтиқиләрни қоғдаш вә миллий хусусийәткә игә саяһәт орни бәрпа қилиш дегән нам билән оттуриға қойған.
2010-07-28
Радио аңлиғучилиримиздин мәлум бир киши йеқинда, хитай сақчилири ғулҗа шәһири кепәк йүзи йезисиниң ара кепәкйүзи кәнтидин һәбибулла, төвән кепәкйүзи кәнтидин һаким қатарлиқ 30 нәпәр уйғур яшни 7 - айниң 1 - күни тутуп кәткәндин буян, уларниң из - дерикини алалмиғанлиқини баян қилған иди.
2010-07-28
Франсийә агентлиқиниң баян қилишичә, бирләшкән дөләтләр тәшкилатиниң катмандудики мусапирлар оргининиң баянатчиси нини гуруң бүгүн бирләшкән дөләтләр тәшкилати һазир нипал һөкүмити хитайға өткүзүп бәргән тибәт мусапирлириниң ақивитидин қаттиқ әнсирәватиду дәп җакарлиди.
2010-07-28
Франсийә агентлиқиниң баян қилишичә, бүгүн тәйбейдә чиқидиған һәптилик хәвәр журнили хитайниң мәнсипи намәлум юқири дәриҗилик әмәлдари ху хәйфең (хуҗинтавниң оғли) ниң тәйвәндә мәхпий зиярәттә болуватқанлиқини ашкарилап қойди. Хәвәрдә ейтилишичә, хитайниң бу мәнсипи намәлум юқири дәриҗилик әмәлдари тәйвәнгә, илмий муһакимә йиғиниға қатнишш дегән нам билән кәлгән. Тәйвәнниң сәй фамилилик бир йеза егилик һашарат мутәхәссиси, сәмрип өзини көтүрәлмәй қалған пролетарият ху хәйфең билән 7 - айниң 18 - күни көрүшкәндики сөһбәт мәзмунини ашкарилашни халимиған.
2010-07-28
28 - Июл күни пакистанда йүз бәргән айропилан вәқәсидә 152 адәм өлди. Бирләшмә агентлиқиниң исламабаттин баян қилишичә, пакистанниң җиддий вәқәләрни бир тәрәп қилидиған бихәтәрлик оргининиң башлиқи имтияз әлаһи бүгүнки айропилан вәқәсидә бәш йолучи сақ қалди дегән учур тоғра әмәс, айропиландики йолучиларниң һәммиси қаза қилди, дәп җакарлиған.
2010-07-28
Қирғизистандики исмини елан қилишни халимиған бир нәпәр уйғур зиялийси уйғур елини зиярәт қилип қайтип кәлгәндин кейин, мухбиримизниң зияритини қобул қилип, уйғур елидики деһқанларниң әмәлий әһвали, һөкүмәтниң йеңи тәрәққият пилани арқилиқ хитай көчмәнлирини йөткәшни күчәйтип, уйғур деһқанлирини йәрсизләштүрүп намратлаштуруватқанлиқи қатарлиқ мәсилиләрни баян қилди.
2010-07-27
5 - Июл үрүмчи вәқәсидин кейин, хитай даирилири вәқәниң қозғилиш сәвәбини гәрчә чәтәлләрдики бөлгүнчи күчләргә артиш арқилиқ өзиниң миллий сияситини қоғдашқа урунған болсиму, әмма вәқәдин кейин бейҗиңда ечилған шинҗаң хизмити йиғини вә униңда елинған бәзибир муһим қарарлар шундақла уйғур аптоном районлуқ һөкүмәтниң сабиқ баш секритари ваң лечуәнниң вәзипидин қалдурулуши һәмдә бәзибир тактика өзгәртишкә қарап илгириләшләр күзәткүчиләр тәрипидин хитай һөкүмитиниң миллий сияситидики хаталиқни етирап қилиши дәп мулаһизә қилинди.
2010-07-27
Гуаңҗуда қозғалған гуаңдуң тилини қоғдаш һәрикити хоңкоңға кеңәйди. Хоңкоңда һазир гуаңҗу билән бирликтә һәрикәт қилиш тәшәббуси оттуриға қоюлди. Бу бирләшмә һәрикәтниң пилани интернет арқилиқ музакирә қилиниватиду.
2010-07-27
Нөвәттә хитай зиялийлири арисида хитайда бу 60 йилдин буян һәқиқий аптономийә түзүминиң әмәлгә ашмиғанлиқи һәм буниң сәвәблири һәққидә издиниватқанлар көпәймәктә. " Оттура җәнуб милләтләр университети"ниң дотсенти фән хуңшяң бу һәқтә өз қаришини оттуриға қоюп, мақалә елан қилған хитай зиялийлириниң бири.
